«110 jastaǵy áje uzaq jasaýdyń syryn biledi» - respýblıkalyq basylymdarǵa sholý

ASTANA. 26 shilde. QazAqparat - Qazaq aqparat agenttigi respýblıkalyq basylymdarda 26 shilde, beısenbi kúni shyqqan ózekti materıaldarǵa sholýdy usynady.

***

«Bıylǵy qýańshylyq astyqty oblystarǵa  ońaı tımedi. Oǵan keshe Qostanaı oblysyna kelgen  Premer-Mınıstrdiń birinshi orynbasary Serik Ahmetov sharýashylyqtardy aralaǵanda taǵy da kýá boldy», - dep jazady «Egemen Qazaqstan» gazeti beısenbilik nómirindegi «Qýańshylyq arnaıy sharalar qabyldaýdy qajet etedi» degen taqyryptaǵy maqalasynda. Basylymnyń atap ótýinshe, Qostanaı oblysy boıynsha astyq alqaptarynyń 18 paıyzy jaqsy ósip keledi, 68 paıyzy nashar, al qalǵan 34 paıyzy tipti kúıip ketken. Ásirese, jaǵdaı oblystyń ońtústik aýdandarynda kúrdeli, óńirde kókten tamshy tambaǵandyqtan jáne qardyń da az bolýynan ekken dánniń shyqpaı qalǵan jerler de bar.

***

«Aıqyn» gazetiniń jazýynsha, Qostanaıda turatyn Marpýǵa Seltetkenova ájemiz bıyl 110 jasqa tolyp, balalarynyń arqasynda týǵan kúnin este qalarlyqtaı etip atap ótti. Osy arada bir aıta keter jaı, Seltetkenovter áýleti qazaq eli táýelsizdik alǵanǵa deıin Reseıde jergilikti orystardan qaı jaǵynan bolsyn kem bolmaı, ómir súrdi. Ol jaqta da eshkimge namysty qoldan bermeı, adal eńbek etti. Basqalardan qaı jaǵynan bolmasyn deńgeıi tómen emestigin is júzinde dáleldedi. Maqala «110 jastaǵy áje uzaq jasaýdyń syryn biledi» degen taqyryppen berilgen. 

«Erteń HHH jazǵy Olımpıada oıyndarynyń alaýy tutanady. Bul kúnderi tórtkúl dúnıeniń ár qıyrynda ornalasqan 200-den astam memleketterdiń beldi sportshy­lary Ulybrıta­nııa astanasynda bas qosyp, tórtjyldyqtyń basty dodasy qarsańynda ózderiniń sońǵy daıarlyqtaryn pysyqtaýda. Solardyń ara­synda Qazaq­stannyń sport­tyq delegatsııasy da bar», dep jazady «Aıqyn» gazeti búgingi sanyndaǵy «Alpaýyttar aıqasatyn kún taqaý» degen taqyryptaǵy maqalasynda. Qazaqstandyqtar bıylǵy Olım­pıada oıyndarynyń 106 lıtsenzııasyna ıelik etti. Jarys jolyna shyǵatyn jerlesterimizdiń jalpy sany - 116 adam. Osy oraıda eń kóp joldama jeńil atletterge buıyrǵanyn aıta ketý kerek.

***

«Alash aınasy» gazetiniń Qazaq radıosymen birlesken «Aıtóbel-Dat!» aıdarynda Turan ýnıversıtetiniń rektory, ekonomıka ǵylymynyń doktory, professor Rahman Alshanovpen aradaǵy suhbat «Endi biz psıhologııany ózgertip, tutynatyn halyq emes, ınvestıtsııa jasaıtyn el bolýymyz kerek» degen taqyryppen berilgen. Tilshiniń barlyq saýalyna tuşymdy jaýap bergen ǵalym: «Sońǵy kezge deıin ekonomıst pen zańgerlikke jappaı oıysyp ketkenimiz ras. Naryqtyq ekonomıka bolǵannan keıin sanaý kerek boldy. Qalaı jumys isteımiz? Investıtsııa degen ne? Qalaı jumsaımyz? Bıznes jospar qalaı jasalady? Bolmaǵan tájirıbeni bilimmen tolyqtyrýǵa tyrystyq. Qazir naryqtyq ekonomıkanyń damýynda dúnıejúzindegi elderdiń eń aldyńǵy qataryndamyz», - deıdi.

***

Qazaqstanda jasyryn bıznestiń jańa túri qasqyr kúshikterin satý paıda boldy. Aıta keterligi, jyrtqy ańnyń satylatyndyǵy jaıyndaǵy habarlandyrýlar BAQ-ta erkin jarııalanýda. Bul jaıynda «Ekspress-K» gazetindegi «Volkı bazarnye» degen taqyryptaǵy maqalada aıtylǵan. Qasqyr satýmen aınalysýshylardyń biri Temirlan qolyndaǵy kúshikti pisken etpen qórektendirip otyr.   Ol jyrtqyshyna 500 dollar suraıdy ári baǵasyn tómendetýge qulyqty emes.

***

Aǵymdaǵy jyly Kıevte qazaqtyń uly aqyny ári oıshyly Jambyl Jabaevqa eskertkish ashylady. Bul týraly «Kazahstanskaıa pravda» gazetinde jaryq kórgen QR Syrtqy ister mınıstri Erjan Qazyhanovtyń maqalasynda aıtylǵan. «Aǵymdaǵy jyly Kıevte Jambyl Jabaevqa jáne 200 jyldyq mereıtoıyna oraı Taras Shevchenkoǵa Astanada eskertkish ashylady. Bul eki eldiń ózara qarym-qatynastaryna jańa serpin beretindigi sózsiz. Sonymen qatar 20013-2014 jyldary Qazaqstannyń Ýkraınadaǵy jáne Ýkraınanyń Qazaqstandaǵy mádenı kúnderin ótkizý josparlanǵan», - dep jazady mınıstr. Maqala «Kazahstan - Ýkraına: vekamı skreplennaıa drýjba» degen taqyryppen berilgen.