«110» nómiri qaýip-qaterdiń aldyn alady

ASTANA. QazAqparat - Qaýipsizdik Keńesiniń tapsyrmasymen Qazaqstan Respýblıkasynyń Aqparat jáne kommýnıkatsııa mınıstrligi tarapynan jergilikti jerlerde terrorızmge qarsy «shuǵyl jeli» qurý boıynsha terrorıstik qaýipterge baılanysty habarlamalar qabyldaý úshin úshtańbalyq «110» nómiri bólindi, dep habarlady Ońtústik Qazaqstan oblysy ákiminiń baspasóz qyzmeti.

Azamattardyń Qazaqstannyń kez kelgen núktesinen «110 shuǵyl jelisine» shyǵys qońyraýdy júzege asyrýy kezinde qońyraýlar aýmaqtyq belgisi boıynsha UQK Departamentteriniń kezekshi qyzmetterine túsetin bolady (mysaly, Ońtústik Qazaqstan oblysynyń Saryaǵash qalasynan qońyraý shalynǵan kezde qońyraý UQK Ońtústik Qazaqstan oblysy departamentiniń kezekshi qyzmetine túsedi).

Biryńǵaı «shuǵyl jeli» joǵaryda atalǵandardy eskere kele, jeke jáne zańdy tulǵalardan terrorıstik jaǵdaı týyndaýynyń alǵysharttary nemese týyndaýy, adamdardyń ómiri men densaýlyǵyna tóngen qaýip jáne shuǵyl kómek kórsetý sharalaryn qabyldaýdy qajet etetin basqa da jaǵdaılar týraly habarlar qabyldaıdy.

Sonymen qatar, «110 shuǵyl jelisiniń» qyzmeti terrorıstik jáne dinı ekstremıstik ıdeologııany taratý, terrorıstik aktilerdi uıymdastyrý jáne qarjylandyrý, dástúrli emes dinı aǵymdarǵa oqytý qaýipterine baılanysty jedel habarlamalardy qabyldaý bolyp tabylatyndyǵyn erekshe atap ótý kajet.