110 myńnan astam qazaqstandyq ósimpuldan qutyldy

NUR-SULTAN. QazAqparat –110 myńnan astam jeke tulǵa 700 mln teńge ósimpuldan qutyldy, dep habarlaıdy QazAqparat.

«2019 jyldyń 5 qyrkúıegindegi jaǵdaı boıynsha, 114 849 jeke tulǵanyń 688,3 mln teńge ósimpuly shyǵynǵa jazyldy. Olar jyl basynan beri 2,9 mlrd teńge kólemindegi negizgi qaryzdaryn tólegen. Tolyqtaı alǵanda, raqymshylyqtyń shamamen 1,4 mln adamǵa qatysy bar. Eger olar 13,9 mlrd teńge somasyndaǵy negizgi qaryzdaryn ótegen jaǵdaıda 6,3 mlrd teńge somasyndaǵy ósimpul shyǵynǵa jazylady», - delingen QR QM Memlekettik kirister komıteti taratqan aqparatta.

Vedomstvo málimetinshe, komıtettiń barlyq aýmaqtyq bólimshelerine osy jylydń 13-14 tamyz kúnderi ósimpuldardy shyǵynǵa jazý jónindegi komıssııa qurý týraly buıryq berilgen.