110 mln teńge para dámetken Shymkent qalasynyń sýdıasyna qatysty tergeý aıaqtaldy

<p>ShYMKENT. KAZINFORM &mdash; Shymkent qalasy Qylmystyq ister jónindegi aýdanaralyq sotynyń sýdıasyna qatysty tergeý aıaqtaldy. Bul týraly &nbsp;Sybaılas jemqorlyqqa qarsy is-qımyl agenttigi málim etti.&nbsp;</p>

Agenttik Shymkent q. Qylmystyq ister jónindegi aýdanaralyq sotynyń sýdıasyna jáne basqa da adamdarǵa qatysty tergeýdi aıaqtady. Olar alaıaqtyq jasaǵandary jáne úkim shyǵarǵan kezde jazasyn jeńildetý úshin sottalýshynyń jubaıyn 110 mln teńge mólsherinde para berýge ıtermeledi dep aıyptalyp otyr. 

Bas prokýratýra aǵymdaǵy jyly 5 jeltoqsanda qylmystyq isti sotqa joldady. 

Qylmystyq-protsestik kodekstiń 201-babynyń erejelerine sáıkes, ózge aqparat jarııa etýge jatpaıdy.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin, árbir adam kinásiz bolyp sanalady.

Eske sala keteıik, buǵan deıin Shymkentte bıýdjet qarajatyn jymqyryp, páter satyp alǵan laýazymdy adamdar ustalǵanyn jazǵan bolatynbyz.