110 kompanııa Global Oil&Gas Atyrau-2018 kórmesine qatysyp jatyr

ATYRAÝ. QazAqparat - Atyraýda Global Oil&Gas Atyrau-2018 17-shi Soltústik Kaspıı óńirlik kórmesi óz jumysyn bastady, dep habarlaıdy QazAqparat tilshisi.

Іs-sharany uıymdastyrýshy QR Energetıka mınıstrliginiń, Atyraý oblysy ákimdiginiń, «QazMunaıGaz» UK AQ-nyń, KAZENERGY qaýymdastyǵynyń, "KazService" Qazaqstannyń Servıstik kompanııalar odaǵynyń resmı qoldaýymen Iteca Qazaqstandyq kórme kompanııasy bolyp tabylady. Birneshe jyldan beri Global Oil&Gas Atyrau bıznes-kezdesýler men mańyzdy is-sharalar ótkizetin alańǵa aınaldy.

Kórmeniń ashylý saltanatyna QR Energetıka vıtse-mınıstri Bolat Aqsholaqov pen óńir basshysy Nurlan Noǵaev, Reseı Federatsııasynyń QR-daǵy saýda ókili Aleksandr ıAkovlev jáne Iteca JShS dırektory ıÝrıı Borodıhın qatysty.
   

«Atyraý óńiri josparly ári serpindi damýda. Memleket basshysy Nursultan Nazarbaevtyń tapsyrmasymen oblysta oblys ekonomıkasyn ártaraptandyrý turǵysynda josparly jumystar júrgizilýde. Kórmege qatysýshylarǵa óz rızashylyǵymdy bildirgim keledi, óıtkeni olar da ekonomıkanyń damýyna, ken oryndaryn damytýǵa jáne áriptesterdiń arasyndaǵy qatynastardy damytýǵa óz úlesterin qosýda. Mundaı alań barlyq qatysýshylarǵa olardyń jumys baǵyttaryna qaramastan óz bıznesiniń aýqymy men shekarasyn keńeıtýge múmkindik beredi. Búgingi kúni oblysta myńnan asa sheteldik jáne birlesken kásiporyndar jumys jasaıdy. Oblys álemniń 50 elimen yntymaqtastyqta», - dep atap ótti Atyraý oblysynyń ákimi Nurlan Noǵaev.

QR Energetıka vıtse-mınıstri Bolat Aqsholaqov mundaı is-sharanyń munaı-gaz óndirý tarıhy bastalǵan Atyraý oblysynyń aýmaǵynda ótip otyrǵanyna qýantatyn jetkizdi.

«Munaı-gaz salasy Qazaqstan ekonomıkasy damýynyń qozǵaýshy kúshi bolyp qalady, sondyqtan biz bárimiz onyń serpindi jáne qaryshty damýyna qyzyǵýshylyq tanytamyz. Kórmege júz eldiń ókilderi qatysýda jáne barlyǵy ózderiniń jańashyl sheshimderimen bólise alady jáne jańa iskerlik baılanystar ornata alady», - dedi Bolat Aqsholaqov.

Ónerkásiptik jabdyqtar men munaı-gaz salasyna barlyq qajetti quraldar bar pavılondaryn Ulybrıtanııa, Belarýs, Reseı, Túrkııa, Ázerbaıjannyń júzden asa kompanııasy kórsetti. Ekspozıtsııalardyń sany ótken jylmen salystyrǵanda 8 paıyzǵa ulǵaıdy.

Global Oil&Gas Atyrau kórmesimen birge kórme kesheninde AtyrauBuild-2018 qurylys jáne ınterer kórmesi ornalasqan, oǵan qatysýshylar qurylys, ınterer, jol qurylysy salasyndaǵy jańalyqtardy tanystyrýda. Kórmeniń barlyq qatysýshylaryna óz ónimi týraly aıtýǵa, jańa kelisimsharttar jasaýǵa múmkindikter berildi.

Munan basqa is-shara baǵdarlamasyna Qazaqstannyń munaı-gaz salasyndaǵy KTK (Kaspıı Qubyr konsortsıýmy), NCOC, Embimunaıgaz sııaqty iri qatysýshylardyń semınarlary men tusaýkeserleri engizilgen. 

Kórmeniń áriptesteri «Embimunaıgaz» AQ,  NCOC, «Kaspıı Qubyr konsortsıýmy» AQ boldy. Kórmeniń bas áriptesi -bıyl óziniń 25 jyldyǵyn atap ótetin «Teńizshevroıl» JShS.