110 bilim nysanyndaǵy kemshilikter týraly myńnan astam habarlama tústi
Shaǵymdardyń basym bóligi mektepterdegi sanıtarlyq-gıgıenalyq jaǵdaıǵa, naqtyraq aıtqanda, gıgıenalyq quraldardyń, jýynatyn bólmelerde qalqalardyń bolmaýy, dárethana kabınalaryndaǵy esikterdiń durys jumys istemeýi jáne t.b. qatysty. Aýladaǵy mektep dárethanalary týraly 3 habarlama túsken.
Buǵan deıin Balalardyń quqyqtaryn qorǵaý komıteti qazaqstandyq oqýshylarmen jáne ata-analarmen birlesip, mektep ájethanalary men ashanalaryndaǵy kemshilikterdi anyqtaý, mektepterdi jabdyqtaý jáne olardy ustaýǵa qarjy alatyn ákimdiktermen birlesip, eskertýlerdi joıý maqsatynda «Balaǵa laıyq» aktsııasyn bastaǵan bolatyn.
«Aktsııanyń birinshi kezeńi aıaqtaldy. Jumysty belsendi júrgizý úshin barlyq oblystyń bilim basqarmalarymen, balalar ókildikterimen onlaın kezdesýler ótkizildi. Bilim berý uıymdarynda kez kelgen adam ájethana men ashananyń foto-vıdeosyn jibere alatyn messendjerlerdiń QR-kodtary bar býkletter taratyldy. Aktsııaǵa oqýshylar men ata-analar belsendi qatysty. Mektepter men olardy qarjylandyrý ákimdikterdiń quzyretinde bolǵandyqtan, bilim ordalarynyń sanıtarlyq-turmystyq jaǵdaıy men ashanalarynyń jaı-kúıine qatysty barlyq shaǵym ákimdikterge jiberildi. Olarǵa aktsııa kezinde anyqtalǵan kemshilikter men eskertýlerdi joıýǵa ýaqyt berildi. Olar 1 qyrkúıekke deıin, ıaǵnı jańa oqý jyly bastalǵanǵa deıin jiberilgen qateliktermen jumys isteýi kerek. Ákimdikter kemshilikterdi joıǵannan keıin Instagram-daǵy @balaga.laiyq paraqshasynda mektep ájethanalary men ashanalarynyń «deıingi jáne keıingi» fotolary men vıdeolary jarııalanady», - dedi Balalardyń quqyqtaryn qorǵaý komıtetiniń tóraǵasy Esenǵazy Imanǵalıev.
Odan bólek, oqýshylar men ata-analar talapqa saı keletin jýynatyn bólmeler men ashanalardyń foto jáne vıdeolaryn joldaǵanyn aıta ketý kerek.
Sonymen qatar balalardyń quqyqtaryn qorǵaýǵa qatysty da ótinishter tústi. Komıtet barlyq qajetti jumysty júrgizdi.
Aktsııanyń ekinshi kezeńi jańa oqý jylynyń basynda bastalady.
Balalardyń quqyqtaryn qorǵaý komıteti mektep dárethanalary men ashanalaryna monıtorıng júrgizýge arnalǵan «Balaǵa laıyq» respýblıkalyq aktsııasyn bir aı buryn bastaǵan bolatyn. Aktsııa «Mekteptiń jaqsarýyna kómektes!» uranymen ótip jatyr. Sondaı-aq ol jyly dárethanalary joq, balalar úshin sanıtarlyq-gıgıenalyq jaǵdaılar jasalmaǵan bilim berý uıymdaryn anyqtaýǵa baǵyttalǵan. Monıtorıng jazalaý úshin emes, mektepterdi balalarǵa qajetti jaǵdaı jasaýǵa tartý úshin júrgizilip otyr. Bul rette mektep ashanalarynda problemaly jýynatyn bólmeler men zań buzýshylyqtar týraly habarlaǵandardyń anonımdigine kepildik beriledi jáne olar týraly aqparattar jarııa etilmeıdi.
Buǵan deıin mınıstrlik birqatar oblystyń ákimdikterine aýladaǵy dárethanalardy joıý jáne mektepterdi balalardy qorǵaý úshin dabyl túımelerimen, beınekameralarmen jáne basqa da qaýipsizdik júıelerimen jabdyqtaý boıynsha jumys júrgizbegen laýazymdy tulǵalardy jaýapqa tartý týraly hat joldaǵan bolatyn.