11 jyldyń ishinde qarý tapsyrǵan qazaqstandyqtarǵa 1,9 mlrd teńge tólendi

ASTANA. QazAqparat – 11 jyldyń ishinde qazaqstandyqtar polıtsııaǵa erikti túrde 56 myńnan astam qarý men 2 mln astam potron tapsyrǵan. Bul týraly ІІM ótken brıfıngide Ákimshilik polıtsııa komıteti Qarý aınalymyn baqylaý bóliminiń bastyǵy Asylbek Ydyrysov aıtty, dep habarlaıdy QazAqparat tilshisi.

«Qarýdy qoldana otyryp jasalatyn qylmystyń aldyn alý maqsatynda ІІM halyqtan zańsyz saqtalǵan qarý-jaraqtardy satyp alý boıynsha respýblıkalyq aktsııany 2008 jyldan beri ótkizip keledi. 11 jyldyń ishinde atalǵan aktsııa barysynda jalpy somasy 1,9 mlrd teńgege 56 myńnan astam atys qarýy jáne 2 mln astam oıyq qarýdyń patrondary erikti túrde tapsyryldy. Ótken jyldyń qortyndysy boıynsha jalpy somasy 89 mln teńgege 1 400-den astam oıyq qarý qabyldandy. Onyń ishinde eń kóp qarý Túrkistan oblysynda tapsyryldy. Bul sharalar kırmınogendik ahýalǵa oń septigin tıgizdi. Sońǵy bes jylda qarýmen jasalǵan qylmystardyń sany edáýir azaıǵan», - dedi Asylbek Ydyrysov.

Spıkerdiń aıtýynsha, bıyl qarý tapsyrý aktsııasy 10 sáýirde bastalady. Ol úshin respýblıkalyq bıýdjetten 89 mln teńge bólingen.