11 jasar Dımashtyń Abaı ánin shyrqaǵan vıdeosy jarııalandy

ASTANA. QazAqparat – Álemge tanymal ánshi Dımash Qudaıbergen óziniń bala kezinde Abaı ánin shyrqaǵan vıdeosyn jarııalady, dep habarlaıdy QazAqparat.

«Mereke qarsańynda Abaı atamyzdyń áni – «Kózimniń qarasy». 11 jasar kezden estelik. Aqtóbe qalasy oblystyq fılarmonııa janynan quralǵan mýzykalyq «Saz» balalar mektebiniń oqýshysy», - dep jazdy ánshi Instagram jelisinde.

Aıta keteıik, Dımash Qudaıbergen qazaqtyń uly aqyny Abaı Qunanbaıulynyń týǵan kúni qarsańynda tyń chellendj bastady. Beıneúndeýinde ánshi Abaıdyń «Ǵylym tappaı maqtanba» óleńin jatqa oqyp, chellendjdi barlyq jankúıeri men ónerdegi áriptesterine joldady.

Keıinirek Mádenıet jáne sport mınıstri Ashat Oralov, pákistandyq stýdent jáne qostanaılyq polıtseıler bul bastamany jalǵastyrdy.