11 temirjolshy Ýnıversıada-2017 alaýyn alyp júrý mártebesine ıe boldy - QTJ

ASTANA. QazAqparat - Astanada 25 qańtarda bastalǵan qysqy Ýnıversıada -2017 alaýyn alyp júrý estafetasyna Aqtaý, Atyraý, Oral. Qostanaı, Qaraǵandy, Semeı, Óskemen, Taraz, Shymkent, Almaty qalalarynda «Qazaqstan temir joly» UK» AQ tańdaýly eńbekkerleri  de qatysýda. 

Bul týraly«Qazaqstan temir joly» UK» AQ baspasóz qyzmeti habarlady.

 «QTJ» UK» AQ adamı resýrstardy basqarý departamentiniń menedjeri Olga Lıpchanskaıanyń aıtýynsha, Ýnıversıada alaýyn alyp júrý mártebesine salaýatty ómir saltyn serik etken, sporttyq jetistigimen kózge túsken, úzdik eńbekkerler tańdalǵan. Olardyń qatarynda Zaşıta jol dıstantsııasy mashınısiniń kómekshisi Aleksandr Fedotov, Semeı magıstraldyq jeli bólimshesiniń jetekshi ınjeneri Danııar Moldybaev, Jańa Semeı stansasynyń baǵyttaýysh burma beketiniń kezekshisi Berikjan Nurtaev, Qostanaı Magıstraldyq jelisiniń poıyz dıspetcheri Dámir Ómirzaqov jáne «QTJ» UK» AQ-nyń basqa qurylymdyq bólimshelerinen óndiris ozattary tańdalǵan.

«Men ózimniń osyndaı mańyzdy sporttyq sharaǵa qatysqanymdy maqtanysh etemin. Tolǵanys bar. Degenmen, kelesi qatysýshyǵa Estafeta alaýyn jetkizýge barymdy salamyn.  Ýnıversıada árbir óńirdiń ǵana emes, búkil Respýblıkanyń abyroıyn kóteretin mereke», deıdi Dámir Ómirzaqov.