11-synyp oqýshysy «E-gov»-tyń osal tustaryn anyqtaýdy usyndy
«Bilýimshe, qazirgi kezde «Qazaqstannyń kıberqalqany» atty baǵdarlama ázirlenip jatyr. Osyndaı bastamalarǵa jastardy tartaıyq. Máselen, Elektrondyq úkimettiń osal tustaryn anyqtaýǵa arnalǵan konkýrs ótkizýge bolady. Konkýrs kezinde e-gov-tyń osal tustaryn taýyp qana qoımaı, ony sheshý joldaryn usynǵan jigitterge qoldaý qajet. Kompıýterlik qaýipsizdik salasyndaǵy kompanııalar qurylsyn. Sebebi dál osy salanyń bolashaǵy zor», - dedi Ivan Krepak «Jas Otan» jastar qanatynyń IV sezinde.
Aıta keteıik, Ivan Krepak fızıka-matematıka baǵytyndaǵy Nazarbaev Zııatkerlik mektebiniń 11-synyp oqýshysy. «Nurınteh» jáne taǵy basqa baıqaýlarda júldeger bolǵan. Osy ýaqytqa deıin ol birneshe jobany iske asyrdy. Sonyń biri - smartfondy qashyqtan basqarý júıesi. Budan bólek, «Jarys» atty mobıldik qosymshany jasap shyqty. Atalǵan qosymsha arqyly mektep oqýshylary men stýdentter san alýan olımpıadalar týraly aqparatty taba alady.
«Men múmkindigi shekteýli azamattarǵa arnalǵan taǵy bir mobıldik qosymsha jasap shyǵardym. Onyń ataýy - «Voice-kómek». Atalǵan qosymsha arqyly qulaǵy estimeıtin adamdarmen tildesýge bolady. Qosymsha arqyly adamnyń daýysy mátinge, al mátindi daýysqa aınaldyrýǵa múmkindik bar. Men ony qazaq tiline de beıimdedim», - deıdi I.Krepak.