11 shildede «Slavıan bazary» festıvali Qazaqstan ónerine arnalady
Búgingi keshtiń eń aıtýly oqıǵalarynyń biri «Uly dala óneri» gala-kontserti bolmaq. «Vıtebsk» kontsert zalynda kórermender forýmnyń kópten bergi dostaryna aınalǵan Roza Rymbaeva, Naǵıma Esqalıeva syndy óner ıelerimen qaıta qaýyshyp, jas ónerpazdar baıqaýynyń ár jyldardaǵy jeńimpazdarynyń ónerin tamashalaıdy. Olardyń arasynda 20-shy festıvaldyń júldegeri Álisher Karımov, sondaı-aq 2015 jylǵy «Slavıan bazarynyń» Gran-prı ıegeri, Azııadaǵy mýzyka shyńynyń barlyǵyn baǵyndyrǵan talant ıesi Dımash Qudaıbergen de bar.
Bıylǵy festıvalǵa kınobaǵdarlama qaıta oralyp otyr. Onyń betasharynda rejısser Aqan Sataev pen prodıýser Álııa Nazarbaevanyń «Anaǵa aparar jol» tarıhı dramasy qoıylady.
Búgin, sondaı-aq «Qýyrshaq kvartaly» jobasy da bastalady. Belarýstyń «Lıalka» teatrynyń sahnasynda «Óli jandar» fantasmagorııasy kórsetiledi.