11 shilde kúni elordada ótetin mańyzdy sharalar ańdatpasy

ASTANA. QazAqparat – «QazAqparat» halyqaralyq aqparat agenttigi 11 shilde kúni Astanada ótetin mádenı jáne qoǵamdyq mańyzdy sharalar ańdatpasyn usynady.

11.00-de Astana qalasy Kommýnıkatsııalar qyzmetinde «Sýǵa shomylý kezindegi qaýipsizdik. Sý aıdyndaryndaǵy oqıǵalardan ózińdi qalaı qorǵaý kerek» taqyrybynda onlaın brıfıng ótedi. Spıker: Azamattyq qorǵanys basqarmasynyń bastyǵy Azamat Qusaıynov. Onlaın baspasóz konferentsııasy «Astana qalasy kommýnıkatsııalar qyzmetiniń» Facebook-tegi facebook.com/rsk.astana01 jáne Instagram-daǵy instagram.com/rsk.astana resmı paraqshalarynda tikeleı efırde ótedi.

13.30-da Nazarbaev Ýnıversıteti Azııa ınfraqurylymdyq ınvestıtsııalar bankiniń (AIIB) vıtse-prezıdenti jáne korporatıvtik hatshysy Lıýdger Shýknehttiń qonaqtyq dáris ótkizedi. Shýkneht myrza «Ekonomıkalyq, mádenı jáne áleýmettik áleýetke negizdelgen Qazaqstannyń damýyna úles qosatyn halyqaralyq qarjy ınstıtýttarynyń róli» taqyrybynda dáris oqıdy.

15.00-de QR Prezıdenti janyndaǵy Ortalyq kommýnıkatsııalar qyzmetinde «Bekire-2023» jyl saıynǵy balyq qorǵaý aktsııasynyń qorytyndysy týraly baspasóz máslıhaty ótedi. Spıkerler: QR ETRM Balyq sharýashylyǵy komıteti tóraǵasynyń orynbasary Bahııanov Aıan Qaıratuly; QR ІІM Ákimshilik polıtsııa komıteti tóraǵasynyń orynbasary Renat Vazıruly Zulhaırov. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz

17.00-de Astana Hub-ta Kremnıı alqabynan oralǵan qazaqstandyq startapshy, Hero Training baǵdarlamasynyń qatysýshysymen oflaın meetup ótedi.

19.00-de Jas kórermenderdiń mýzykalyq teatrynda «Abaı-Toǵjan» mýzykalyq dramasy qoıylady.