11 sáýirde aýa raıy qandaı bolady

ASTANA. QazAqparat - Qazgıdromet sınoptıkteri 11 sáýir, seısenbige arnalǵan aýa raıy boljamyn jarııalady.

Respýblıkanyń kóp bóligi áli de atmosferalyq fronttardyń áserinde bolady. Sonyń saldarynan aýa raıynyń turaqsyz sıpaty saqtalady jáne jańbyr men qar jaýady.

Ońtústikte taýly aımaqtarda keı ýaqytta qatty jańbyr jaýady.

Tek Qazaqstannyń soltústigi men batysynda kún ashyq.

Respýblıka boıynsha jel kúsheıedi, batysta, soltústik-batysta tuman, ońtústik óńirlerde naızaǵaı jarqyldap, burshaq jaýady.

Almaty, Túrkistan, Jambyl, Jetisý oblystarynyń ońtústiginde, ortalyǵynda jáne taý bókterinde qatty jaýyn-shashyn (jańbyr, qar) bolady.

Túnde Batys Qazaqstan oblysynyń soltústik-shyǵysynda, soltústiginde topyraq betinde 3 gradýs úsik júredi.