11 óńirde máslıhat depýtattaryn saılaý qaıta ótedi

<p>Máslıhattardyń shyǵyp qalǵan depýtattarynyń ornyna ótetin saılaýǵa kandıdattardy usyný aıaqtaldy.&nbsp;<a href="https://kaz.inform.kz/" target="_blank" rel="noopener">QazAqparat</a>&nbsp;bul týraly Ortalyq saılaý komıssııasyna silteme jasap habarlaıdy.</p>

Saılaý 29 qazan kúni óńirlerdegi 21 saılaý okrýginde ótedi.

Jańa depýtattar 11 óńirde saılanady – Abaı, Aqtóbe, Almaty, Shyǵys Qazaqstan, Jambyl, Jetisý, Qaraǵandy, Mańǵystaý, Pavlodar, Soltústik Qazaqstan oblystary men Almaty qalasynda.

Barlyǵy 109 kandıdat usynyldy. Onyń 28-i – saıası partııalardan, 81-i ózin-ózi usynǵandar.

Usynylǵan kandıdattar ishinde 93 (85,32 %) – er adam, 16 (14,68 %) – áıel adam.

66 kandıdat saıası partııalardyń múshesi bolyp tabylady, 21-i – partııa qatarynda joq, 22-si partııaǵa tıesiligin kórsetpegen.

Ortasha jas – 42,21 jas. Usynylǵan kandıdattar arasynda 5 etnos ókilderi bar.

94 (86,2%) kandıdattyń – joǵary bilimi, 12-niń (11%) – orta kásiptik bilimi jáne úsheýiniń (2,8%) orta bilimi bar.

Kandıdattardyń eńbek etýi týraly derekter:

27,52% memlekettik mekemelerde, uıymdarda;

43,12% kommertsııalyq qurylymdarda;

8,26% saıası partııalar men ÚEU qyzmetkerleri;

2,7% ýaqytsha jumys istemeıtinder;

1,83% zeınetkerler;

16,51% jumyspen qamtýdyń ózge toptarynyń ókilderi.

Qazirgi ýaqytta máslıhattardyń shyǵyp qalǵan depýtattarynyń ornyna kandıdattardy tirkeý jalǵasyp jatyr. 2023 jylǵy 28 qyrkúıektegi jaǵdaı boıynsha okrýgtik saılaý komıssııalary 44 kandıdatty tirkedi.

Tirkeýdiń aıaqtalý merzimi – bıylǵy 3 qazan, saǵat 18.00-de.

Tirkeý aıaqtalǵan sátten bastap kandıdattar saılaý aldyndaǵy úgitke kirisedi, ol 28 qazan, saǵat 00.00-ge deıin jalǵasady.