11 qazanda Astanada ótetin mańyzdy oqıǵalarǵa sholý
Tańǵy saǵat 08:30-de Ulttyq onkologııa men transplantologııa ǵylymı ortalyǵynda Qazaqstan boıynsha alǵash ret bir-birine sáıkes kelmeıtin donordyń baýyryn almastyrý otasy jasalady. Operatsııaǵa Seýl ulttyq ýnıversıteti xalyqaralyq densaýlyq saqtaý ortalyǵynyń atqarýshy dırektory Kvang Výng Lı men atalǵan gospıtaldyń transplantologııa ortalyǵynyń dotsenti Kýıng Chýl En qatysady.
09.00-de "Radisson" qonaq úıinde Azııadaǵy ıadrolyq kooperatsııa forýmynyń (FNCA) 18-shi keńesi ótedi. Atalǵan shara mınıstrler deńgeıinde uıymdastyrylady. 12 eldiń qatysýymen ótetin keńeste qorshaǵan ortany qorǵaý salasynda ıadrolyq ǵylym men texnologııalardy qoldaný jaıy qaralady. Sharanyń uıymdastyrýshylary - QR Energetıka mınıstrligi men Japonııanyń atom-energetıkalyq komıssııasy (JAEC).
10.15-te QR Parlament Senatynyń konstıtýtsııalyq zańnama, sot júıesi men quqyq qorǵaý organdary jónindegi komıtettiń keńeıtilgen otyrysy ótedi. Onda QR Joǵarǵy sotyna sýdıalardy taǵaıyndaý, sondaı-aq sottalǵan azamattardy almastyrý týraly Qazaqstan men Saýd Arabııasy arasyndaǵy kelisimdi ratıfıkatsııalaý máselesi qaralady.
11.00-de Úkimet úıinde kezekti baspasóz máslıxaty ótedi. QR Investıtsııalar jáne damý mınıstrligi «Kazakh Invest» ulttyq kompanııasymen birlese otyryp, EKSPO aıasynda atqarylǵan jumys boıynsha esep beredi.
12.00-de Astana qalasy ákimdiginde "Mektepke jol" atty respýblıkalyq aktsııanyń qorytyndysy jarııalanady. Atalǵan sharanyń negizgi maqsaty - áleýmettik jaǵynan az qamtylǵan balalarǵa materıaldyq kómek kórsetý. Erteńgi shara aıasynda aktsııany ótkizýge kómektesken metsenattar da marapattalady.
12.20-da Ortalyq kommýnıkatsııalar qyzmetinde QR Eńbek jáne xalyqty áleýmettik qorǵaý vıtse-mınıstri Svetlana Jaqypova atalǵan vedomstvonyń sońǵy 9 aıda jasaǵan jumysy jaıynda baıandaıdy.
15.00-de "Pekın Palas" qonaq úıinde Qazaqstannyń boks federatsııasynyń jyl saıynǵy konferentsııasy ótedi. Otyrysqa federatsııa prezıdenti Tımýr Qulybaev tóraǵalyq etedi.
15.00-de Ortalyq kommýnıkatsııalar qyzmetinde jetim balalar máselesine arnalǵan baspasóz máslıxaty ótedi. Spıkerler: QR BǴM Balalar quqyqtaryn qorǵaý komıteti tóraǵasynyń mindetin atqarýshy Erjan Ersaıynov, "Bala otbasymen birge bolýy tıis" uıymynyń jetekshisi Sholpan Baıbolova jáne «Dara» qorynyń basshysy Mádına Bakıeva.
16:20-de týra sol jerde taǵy bir baspasóz máslıxaty ótedi. QR Densaýlyq saqtaý mınıstrligi farmatsııa komıtetiniń tóraıymy Lıýdmıla Bıýrabekova dári-dármekterdiń baǵasyn memlekettik retteý jaıynda aıtyp beredi.
15.00-de "Jumbaqtas" qonaq úıinde "Saıasattaǵy áıeldiń róli" taqyrybynda "dóńgelek ústel" uıymdastyrylady. Atalǵan shara "Kóshbasshy áıelderdiń mektebi" jobasy aıasynda ótpekshi. Jıynǵa Saltanat Raxymbekova, Maıra Aısına, Aıgúl Soloveva, Rıma Imanǵazınova syndy genderlik saıasattyń maıtalmandary qatysady.
17.00-de QR Tuńǵysh Prezıdenti - Elbasynyń murajaı-kitapxanasynda Qazaqstannyń sýretshiler odaǵynyń múshesi Ádiǵalı Baıandınniń jeke kórmesi ashylady.