11 qazan. Tulǵalar týǵan kún

ASTANA. QazAqparat - Búgin, ıaǵnı 11 qazan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

76jyl buryn (1946) jazýshy, dramatýrg, aýdarmashy, baspager, Londondaǵy Abaı úıiniń, Halyqaralyq Abaı klýbynyń jáne «Amanat» halyqaralyq ádebı jýrnalynyń qurýshysy Rollan SEISENBAEV dúnıege keldi.

Semeı qalasynda týǵan. Semeı ınjener-tehnologııalyq ınstıtýtyn bitirgen. Alǵashqy povesi 1975 jyly jaryq kórgen. Sodan bergi ýaqytta «Ańsaý», «Ózimdi izdep júrmin», «Saǵynyp jetken jaz edi» povesteri, «Ómir súrgiń kelse eger», «Taý basynda túıisken jol», «Іbilis taǵy», t.b. romandary jaryq kórgen. «Ózimdi izdep júrmin» pesasy 1975 jyly jas dramatýrgterdiń búkilodaqtyq baıqaýynda júldege ıe bolǵan. Onyń pesalary respýblıkalyq teatr sahnalarynda qoıylyp keledi. Jazýshy Abaıdyń qara sózderin orys tiline aýdarýǵa at salysyp, Anglııada Abaı úıin ashýǵa óz úlesin qosqan. Qazaqstan komsomoly syılyǵynyń, KSRO Jazýshylar odaǵy syılyǵynyń laýreaty, Kolýmbııa ýnıversıteti syılyǵynyń laýreaty, Búkilálemdik óner jáne mádenıet akademııasynyń akademıgi.

«Qurmet belgisi» ordenimen marapattalǵan.

55 jyl buryn (1967) Qazaqstan Respýblıkasy Ulttyq qaýipsizdik komıtetiniń tóraǵasy Ermek Aldabergenuly SAǴYMBAEV dúnıege keldi.

Almaty oblysynda dúnıege keldi. Qazaq polıtehnıkalyq ınstıtýtyn (ınjener-elektromehanık), ál-Farabı atyndaǵy Qazaq ulttyq ýnıversıtetin (zańger) bitirgen.

Eńbek joly: 1994-2006 jj. ulttyq qaýipsizdik organdarynda ofıtserlik qyzmette, qyzmet apparatynda, sondaı-aq jedel qamtý bólimshelerinde ofıtserlik jáne basshylyq qyzmette (2006-2019). Qazaqstan Respýblıkasy Memlekettik kúzet qyzmeti bastyǵynyń orynbasary – Qazaqstan Respýblıkasy Prezıdentiniń kúzet qyzmetiniń bastyǵy (2019-2021). Qazaqstan Respýblıkasy Memlekettik kúzet qyzmeti bastyǵynyń orynbasary (07.2021-08.2021). Qazaqstan Respýblıkasy Memlekettik kúzet qyzmetiniń bastyǵy (2021-2022).

Qazirgi qyzmetin 2022 jyldyń qańtar aıynan beri atqaryp keledi.

«Minsiz qyzmeti úshin» ІІ, ІІІ dárejeli medaldarimen, «Elbasynyń qaýipsizdigin aıbyndy atqarǵany úshin» ІІІ dárejeli medalimen marapattalǵan.

49 jyl buryn (1973) «QAZAQSTAN» Respýblıkalyq teleradıokorporatsııasy» AQ basqarma tóraıymy, tanymal jýrnalıst Lázzat Muratqyzy TANYSBAI dúnıege keldi.

Shyǵys Qazaqstan oblysynyń Úrjar aýdanynda týǵan. Qazaq memlekettik ýnıversıtetin, Almaty halyqaralyq jýrnalıstıka ınstıtýtyn bitirgen.

1993 jyldan - «Qazaqstan» RTRK júrgizýshisi, redaktory. 1995 jyldan - «Habar» agenttigi» AQ júrgizýshisi, jańalyqtar qyzmetiniń prodıýseri. 2002 jyldan - QR Prezıdentiniń baspasóz qyzmetinde bas sarapshy, sektor meńgerýshisi, bas ınspektor. 2005 jyldan - QR Mádenıet jáne aqparat mınıstrliginiń aqparat jáne muraǵattar komıteti tóraǵasynyń orynbasary. 2008 jyldan - «Qazaqstan» RTRK basqarma tóraǵasynyń birinshi orynbasary. 2011 jylǵy qarashadan - QR Baılanys jáne aqparat vıtse-mınıstri. 2012 jyldan beri «Astana» telearnasynyń bas dırektory. 2018-2019 jyldary «NUR-Medıa» holdıngin basqardy.

Qazirgi qyzmetinde – 2019 jyldyń sáýir aıynan beri.

«Qurmet» ordenimen marapattalǵan. Qazaqstandyq BAQ arasynda «Jyldyń tańdaýly júrgizýshisi» atalymynda «Altyn juldyz» ıegeri. Qazaqstan jýrnalıster odaǵy syılyǵynyń laýreaty.

40 jyl buryn (1982) Qazaqstan Respýblıkasy oqý-aǵartý vıtse-mınıstri Aıbat Bolatuly Іlııasov dúnıege keldi.

Esepteý tehnıkasy jáne baǵdarlamalyq qamtamasyz etý» mamandyǵy boıynsha joǵary bilimi bar.

2006 jyldan 2007 jylǵa deıin «Ulttyq aqparattyq tehnologııalar» AQ aǵa ınjener-elektronıgi, bas mamany bolyp qyzmet etken.

2008 jyldan 2009 jylǵa deıin «Telekommýnıkatsııa salasyndaǵy tehnıkalyq súıemeldeý jáne taldaý ortalyǵy» RMK bas mamany boldy.

2009 jyldan 2012 jylǵa deıin QR Joǵarǵy soty janyndaǵy Sottardyń qyzmetin qamtamasyz etý departamentiniń bas keńesshisi, sektor meńgerýshisi, QR Ádilet mınıstrliginiń Aqparattandyrý jáne aqparattyq resýrstardy qorǵaý basqarmasynyń bas sarapshysy, basqarma basshysynyń mindetin atqarýshy bolyp jumys istedi.

2013 jylǵy naýryz aıynan 2022 jylǵy aqpanǵa deıin QR Ádilet mınıstrliginiń Aqparattandyrý jáne aqparattyq resýrstardy qorǵaý basqarmasynyń basshysy, Tsıfrlandyrý jáne memlekettik qyzmetterdi avtomattandyrý departamentiniń dırektory bolǵan.

Qazirgi qyzmetin 2022 jylǵy aqpannan bastap atqaryp keledi.

38 jyl buryn (1984) Almaty qalasy Alataý aýdanynyń ákimi orynbasary Azamat Beskempiruly QALDYBEKOV dúnıege keldi.

Jambyl oblysy, Taraz qalasynda týǵan. «Halyqaralyq quqyq bakalavry» mamandyǵy jáne «Halyqaralyq quqyq magıstri» mamandyǵy boıynsha ál-Farabı atyndaǵy Qazaq ulttyq ýnıversıtetin, «Quqyq magıstri» mamandyǵy boıynsha (AQSh Soltústik Karolına) Dıýk ýnıversıtetin bitirgen.

Eńbek jolyn 2007 jyly Almaty qalasynyń Bostandyq aýdanynyń № 2 aýdandyq sotynda jetekshi maman bolyp bastaǵan. 2008-2011 j.j. aralyǵynda Qazaqstan Respýblıkasy Almaty qalasynyń óńirlik qarjy ortalyǵynyń qyzmetin retteý agenttiginiń tirkeý jáne eńbektik baqylaý basqarmasynyń tirkeý departamentiniń sarapshysy, bas sarapshysy; 2011-2013 j.j. aralyǵynda Qazaqstan Respýblıkasynyń Ulttyq bankiniń Almaty qalasyndaǵy óńirlik qarjy ortalyǵyn damytý Komıtetiniń memlekekettik qyzmet kórsetý basqarmasynyń sarapshysy, bas mamany ; 2013-2016 j.j. aralyǵynda «Samuryq-Qazyna ulttyq ál-aýqat qory» AQ quqyqtyq qamtamasyz etý departamentiniń bas menendjeri, zań departamentiniń bas zańgeri, basqarma tóraǵasy hatshylyǵynyń basqarma hatshysy laýazymyn atqarǵan. 2016-2017 j.j. aralyǵynda «Azamattarǵa arnalǵan úkimet» memlekettik korporatsııasy KE AQ Almaty qalasy boıynsha fılıalynyń jer kadastry jáne jyljymaıtyn múlikti tehnıkalyq tekserý departamentiniń bas tehnıkalyq basshysy; 2017-2018 j.j. aralǵynda Eýrazııa tehnologııalyq ýnıversıtetiniń damý jónindegi prorektory; 2018 jyldyń naýryz aıynan maýsym aıyna deıin Almaty qalasy ákiminiń bas ınspektory; 2018- 2019 jyldyń naýryz aıyna deıin Almaty qalasy Jetisý aýdany ákiminiń apparat basshysy laýazymynda jumys atqardy. 2019 jyldyń naýryz aıynan qazan aıyna deıin Almaty qalasy Jasyl ekonomıka basqarmasy basshysynyń orynbasary boldy. 2019-2020 jyldary Almaty qalasy Jer qatynastary basqarmasynyń basshysynyń orynbasary laýazymynda qyzmet atqarǵan.

Qazirgi qyzmetin 2020 jyldyń qańtar aıynan bastap atqaryp keledi.