11 qarashada elordada ótetin mańyzdy sharalar ańdatpasy
NUR-SULTAN
9.00-de onlaın-formatta Qazaqstandaǵy shaǵyn jáne orta bıznesti qoldaý maqsatynda Business Wire Forum forýmyn ótkizý týraly baspasóz konferentsııasy ótedi. Forýmdy uıymdastyrýshylar: Eýropalyq Qaıta Qurý jáne damý banki jáne Shell Qazaqstan kompanııasy. Qosylý siltemesi .
10.00-de QR Parlamenti Senatynyń otyrysy bastalady.
10.15-te qysqy kezeńge daıyndyq sheńberinde Nur-Sultan qalasy Tótenshe jaǵdaı departamenti «Qys– 2021» respýblıkalyq komandalyq-shtabtyq oqý-jattyǵýyn ótkizedi.
15.00-de Nur-Sultan qalasynyń máslıhatynda Nur-Sultan qalalyq máslıhatynyń bıýdjet, ekonomıka, ónerkásip jáne kásipkerlik máseleleri jónindegi turaqty komıssııasynyń otyrysy ótedi. Kún tártibinde: Nur-Sultan qalasynyń 2022-2024 jyldarǵa arnalǵan bıýdjetiniń jobasy qaralady. Baıandamashy – Ekonomıka jáne bıýdjettik josparlaý basqarmasynyń basshysy Qaısar Mańqaraev.
15.00-de QR Ulttyq mýzeıinde Qazaqstan Respýblıkasy Táýelsizdiginiń 30 jyldyǵy, Bókeı ordasynyń 220 jyldyǵy jáne Qazaqstandaǵy tuńǵysh mektep – Jáńgir ýchılışesiniń 180 jyldyǵy aıasynda «Bókeı ordasy - el murasy» atty kórme ótedi.
16.00-de «Máskeý» bıznes ortalyǵynda orys jazýshysy F.M. Dostoevskııdiń týǵanyna 200 jyl tolýyna oraı Nur-Sultandaǵy Orys úıi, «Máskeý» bıznes ortalyǵy, Sankt-Peterbýrgtegi Dostoevskıı murajaıy jáne Semeıdegi Dostoevskıı ádebı-memorıaldyq murajaıy daıyndaǵan kórme saltanatty túrde ashylady.
17.30-da QR Prezıdenti janyndaǵy Ortalyq kommýnıkatsııalar qyzmetinde «Memleket basshysynyń Joldaýy aıasynda óńirlerdiń damýy týraly» baspasóz máslıhaty ótedi. Spıker: Almaty oblysynyń ákimi Amandyq Batalov. Kórsetilim siltemeleri: Youtube , Facebook .
19.30-da Qazaqstan ortalyq kontsert zalynda «Astana musical» teatry aǵylshyn dramatýrgi Reı Kýnıdiń «№13» komedııasyn usynady.