11 aıda Qazaqstan ekonomıkasy 4,9% ósti

<p>QR Ulttyq ekonomıka mınıstri Álibek Qýantyrov qańtar-qarasha aılaryndaǵy eldiń áleýmettik-ekonomıkalyq damý qorytyndysyn baıandady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Mınıstrdiń aıtýynsha, bıylǵy qantar-qarasha aılarynda Qazaqstan ekonomıkasynyń ósý qarqyny 4,9%-ǵa jetken. Onyń ishinde naqty sektor 3,5%-ke, al qyzmet kórsetý salasy 5,6%-ke ósti.

«Salalar arasynda eń joǵary ósim qurylys, saýda, aqparat jáne baılanys, sondaı-aq kólik jáne qoımalaý qyzmetinde baıqaldy. Negizgi kapıtalǵa salynǵan ınvestıtsııalardyń ósý qarqyny 14,6% boldy. Investıtsııalar aǵyny aqparat jáne baılanysta – 2,8 ese, kólik jáne qoımalaýda – 58%, saýdada – 34%, bilim berýde – 17%, aýyl sharýashylyǵynda – 11%, sondaı-aq ónerkásipte – 8,5%, onyń ishinde óńdeý ónerkásibinde 4,6% ósti», - dedi Á.Qýantyrov Úkimettiń búgingi otyrysynda.

Óńirler arasynda eń joǵarǵy ósim Mańǵystaý, Túrkistan, Abaı jáne Pavlodar oblystarynda baıqaldy.

«Aldyn ala qorytyndy boıynsha 2023 jylǵy qańtar-qazanda syrtqy saýda taýar aınalymy 2,6%-ke ósip, 114 mlrd dollardan asty. Eksport 65 mlrd dollarǵa, onyń ishinde óńdelgen taýarlar eksporty 21 mlrd dollarǵa jýyqtady. Taýarlar ımporty 49 mıllıard dollardan asty. Jalpy, oń saýda balansy 15 mlrd dollardan asty», - deıdi Ulttyq ekonomıka mınıstri.

Bul rette aýyl sharýashylyǵynyń jalpy shyǵarylymy 8,4%-ke tómendedi. Eń kóp tómendeýdi Aqmola, Qostanaı, Soltústik Qazaqstan, Pavlodar oblystary kórsetken.