11 aıda 157 mlrd teńgeniń qarjylyq buzýshylyqtary anyqtaldy – Qarjy mınıstrligi

NUR-SULTAN. QazAqparat – Osy jyldyń 11 aıynda 157 mlrd teńgeniń qarjylyq buzýshylyqtar anyqtaldy. Bul týraly Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Kameraldyq baqylaýmen osy jylǵy 11 aıdyń ishinde 11,3 trln teńgege 897 myńǵa jýyq memlekettik satyp alý rásimi qamtyldy. Tekserý qorytyndylary boıynsha 36,8 myń rásim boıynsha buzýshylyqtar anyqtaldy. Onyń ishinde memlekettik aýdıt nysandary buzýshylyqtardy joıý týraly habarlamalardyń 97 paıyzyn oryndady», - dedi mınıstr.

Onyń dereginshe, 2 996 aýdıtorlyq is-shara ótkizildi. Aýdıtpen 1 trln 848 mlrd teńge bıýdjet qarajaty qamtyldy. 157 mlrd teńge somasyna qarjylyq buzýshylyqtar anyqtaldy.

«Taýarlardy jetkizýmen, qyzmetterdi kórsetýmen jáne jumystardy oryndaýmen qalpyna keltirý, bıýdjetke óteý jáne esepte kórsetý jolymen 127 mlrd teńgege buzýshylyqtar joıyldy. Aýdıt nysandary qyzmetin jetildirý jáne tıimdiligin arttyrý úshin 2,6 myń usynym berildi», - dedi Erulan Jamaýbaev.