11 aqpan. QazAqparat kúntizbesi
ATAÝLY KÚNDER
Halyqaralyq ǵylymdaǵy áıelder men qyzdar kúni
BUU sheshimimen 2016 jyldyń 11 aqpanynan bastap Halyqaralyq Ǵylymdaǵy áıelder men qyzdar kúni (International Day of Women and Girls in Science) retinde atap ótiledi. Basty maqsaty – ǵylym men bilim salasyndaǵy genderlik teńdikti qamtamasyz etý jáne áıelder men qyzdardyń quqyqtary men múmkindikterin keńeıtý.
Dúnıejúzilik naýqastar kúni
Alǵash ret 1993 jyly atap ótildi. Bul erekshe kúndi belgileý bastamasy Rım papasy Ioann Pavel Ekinshige tıesili.
ESTE QALAR OQIǴALAR
1992 jyly Máskeýde Qazaqstan Respýblıkasy men Ispanııa Koroldigi arasynda dıplomatııalyq qarym-qatynas ornatý týraly birlesken málimdemege qol qoıyldy.
1992 jyly Qazaqstan Respýblıkasy men Germanııa Federatıvti Respýblıkasy arasynda dıplomatııalyq qarym-qatynas ornatý týraly notalar almasý rásimi ótti.
1997 jyly Qazaqstan Respýblıkasy Prezıdentiniń Jarlyǵymen Keńes Odaǵynyń Marshaly I.S Konev atyndaǵy Almatydaǵy joǵary áskerı ýchılışesi Qazaqstan Respýblıkasynyń Qarýly Kúshteri áskerı akademııasy bolyp ózgertildi.
2005 jyly ál-Farabı atyndaǵy Qazaq Ulttyq Ýnıversıtetiniń tarıh fakýltetinde akademık Manash Qozybaev atyndaǵy dárishananyń saltanatty ashylý rásimi ótti. M.Qozybaev (1931-2002) - san ǵasyrlyq muraǵat qujattaryn kóp zerttep, Keńes zamanynda burmalanyp kelgen qazaq tarıhyn damytýǵa eleýli úles qosqan ǵalym. Ol saıası qýǵyn-súrgin kezinde qurban bolǵan qazaq zııalylaryn aqtaý týraly birinshi bolyp másele kóterip, Parlamenttegi aqtaý komıssııasyn basqardy. Kórnekti ǵalymnyń myńnan astam zertteý eńbekteriniń birazy Qytaı, AQSh, Túrkııa, Koreıa, Iran elderinde aýdarylyp, kitap bolyp shyqty. QR Úkimetiniń qaýlysymen elimizdegi birqatar bilim ordalaryna ǵalymnyń esimi berildi.
2009 jyly «Samuryq-Qazyna»Ulttyq ál-aýqat qory» AQ qurylymynda respýblıkalyq bıýdjet esebinen medıtsınalyq tehnıkalardy satyp alýdy uıymdastyratyn «SQ-Farmatsııa» kompanııasy quryldy.
2011 jyly qazaqstandyq BAQ salasynda Úılestirý keńesi quryldy. Ol qoǵamdyq qatynastar men BAQ zańnamasyn jetildirýmen aınalysady, BAQ úshin saraptamalyq-usynymdyq usynystar men tujyrymdar ázirleıdi, ulttyq aqparattyq keńistiktiń jaı-kúıin zertteıdi.
2015 jyly Almatyda bastapqy medıtsınalyq-sanıttarlyq kómek boıynsha Dúnıejúzilik densaýlyq saqtaý uıymynyń álemdegi alǵashqy keńsesi saltanatty túrde ashyldy.
2016 jyly Qazaqstanda balanyń quqyqtaryn qorǵaýdyń ulttyq júıesin jetildirý jáne BUU-nyń Bala quqyqtary týraly Konventsııasyna qatysýshy retinde Qazaqstannyń halyqaralyq mindettemelerin oryndaý maqsatynda Qazaqstandaǵy Balalar quqyǵyn qorǵaý jónindegi ombýdsmen ınstıtýty quryldy. Onyń negizgi maqsaty – balalardyń quqyqtary men zańdy múddelerin qamtamasyz etý, sondaı-aq memlekettik jáne qoǵamdyq ınstıtýttarmen birlesip, olardyń buzylǵan quqyqtary men bostandyqtaryn qalpyna keltirý.
2016 jyly qazaq, orys jáne aǵylshyn tilderinde basylyp shyǵatyn «Ortalyq Azııa ónertaný jýrnalynyń» alǵashqy nómiri jaryqqa shyqty. Basylym Qazaqstanǵa ǵana emes, TMD jáne shet elderge taralady. Jýrnaldyń negizgi maqsaty – óner salasyndaǵy qazaqstandyq ǵalymdardy eýropalyq deńgeıge shyǵarý, olardyń jumystaryna silteme sanyn kóbeıtip, reıtıngterin arttyrý.
2016 jyly Sársen Amanjolov atyndaǵy Shyǵys Qazaqstan ýnıversıteti Eýropalyq Ýnıversıtetter Qaýymdastyǵynyń (EUA) múshesi boldy. Bul – halyqaralyq bilim berý keńistigine kirigýdiń jańa ári mańyzdy qadamy. «Eýropaǵa jol» ýnıversıtetterge halyqaralyq konferentsııalarǵa, trenıngtik semınarlarǵa qatysý úshin qosymsha múmkindikter, túrli qyzmetterdi alýǵa kómek beredi.
2017 jyly Qazaqstanda «Tumar» Ulttyq televızııalyq syılyǵy taǵaıyndaldy. «Tumar» Ulttyq televızııalyq syılyǵyn QR Aqparat jáne kommýnıkatsııalar mınıstrligi elimizdiń eń sapaly jáne ózekti ónimin anyqtaý arqyly qazaqstandyq sapaly televıdenıeni damytý, ilgeri jyljytý, televızııalyq ónim jasaýshy talantty kásibı mamandardy qoldaý maqsatynda bekitken edi.
2020 jyly Konstıtýtsııanyń ústemdigin qamtamasyz etýge, Qazaqstan Respýblıkasynyń konstıtýtsııalyq negizderiniń qalyptasýy men damýyna, adamnyń jáne azamattyń konstıtýtsııalyq quqyqtary men bostandyqtaryn qorǵaýǵa eleýli úles qosqan Qazaqstan Respýblıkasynyń azamattary men shetel azamattaryn kótermeleý maqsatynda, sondaı-aq Qazaqstan Respýblıkasy Konstıtýtsııasynyń 25 jyldyǵyn atap ótý qurmetine «Qazaqstan Konstıtýtsııasyna 25 jyl» merekelik medali taǵaıyndaldy. Merekelik medalmen Qazaqstan Respýblıkasy Konstıtýtsııasynyń ústemdigin qamtamasyz etýge, eldiń táýelsizdigin, Qazaqstan qoǵamyndaǵy kelisim men turaqtylyqty nyǵaıtýǵa, adam men azamattyń konstıtýtsııalyq quqyqtary men bostandyqtaryn qorǵaýǵa, konstıtýtsıonalızmniń ıdeıalary men prıntsıpterin qalyptastyrý men damytýǵa eleýli úles qosqan Qazaqstan Respýblıkasynyń azamattary jáne shetel azamattary marapattaldy.
2021 jyly Qazaqstanda kitap oqýdyń mártebesin, oqyrman belsendiligin arttyrý, kitap oqýdyń joǵary mádenıetin qalyptastyrý, balalar men jastar arasynda kitap oqý saýattylyǵyn damytý maqsatynda «Balalar men jasóspirimderdiń kitap oqýyn qoldaý jyly» dep jarııalandy.
2021 jyly Dır-Vellıde (AQSh) frıstaıl-mogýldan FIS Open halyqaralyq týrnıri ótti. ıÝlııa Galysheva áıelder arasyndaǵy básekede úzdik nátıje kórsetip, jarystyń altyn medalin jeńip aldy.
2022 jyly Tatarstan Prezıdenti Rýstam Mınnıhanov Qazaqstan men Tatarstan arasyndaǵy yntymaqtastyqty damytýǵa, eki halyq arasyndaǵy dostyq pen ózara túsinistikti nyǵaıtýǵa qosqan eleýli úlesi úshin Qazaqstan Prezıdenti Qasym-Jomart Toqaevty «Dýslyk» ordenimen marapattady.