11-12 sáýirde shyǵys pen ońtústik-shyǵysta qar aralas jańbyr jaýady

<p>ASTANA. KAZINFORM &ndash; &laquo;Qazgıdromet&raquo; respýblıkalyq memlekettik kásipornynyń baspasóz hatshysy Alına Ismagýlova ortalyq kommýnıkatsııalar qyzmetinde ótken brıfıngide eldiń basym bóliginde qar aralas jańbyr jaýatynyn aıtty.</p>

«Respýblıka aýmaǵynyń basym bóligi atmosferanyń frontaldi bólimderiniń yqpalynda bolady. Osyǵan baılanysty túnde jańbyr jáne qar, kúndiz jańbyr bolýy yqtımal. 11-12 sáýirde eldiń shyǵysy men ońtústik-shyǵysynda qatty jaýyn-shashyn, jańbyr men qar jaýady dep boljanady», - dedi «Qazgıdromet» ókili.

Onyń aıtýynsha, atalǵan kúnderi el aýmaǵynda túnde tuman túsip, kúndiz keı óńirlerde naızaǵaı oınaýy múmkin. 

«Respýblıka boıynsha túngi jáne tańǵy saǵattarda tuman, kúndiz batys pen ońtústik aımaqtarda naızaǵaı, ortalyqta, shyǵys pen ońtústik-shyǵysta ekpindi jel kútiledi», - dedi Alına Ismagýlova.