1072 eldi mekende sý tasqyny qaýpi bar – TJM
Búgin Úkimette sý tasqyny kezeńine daıyndyq boıynsha ótkiziletin is-sharalar qaralyp jatyr.
Mınıstrdiń aıtýynsha, óńirlerdegi sý tasqyny men zardaptarynyń aldyn alý 4 baǵdarlamalyq qujat sheńberinde júzege asyrylady. Olar – Áleýmettik-ekonomıkalyq damýdyń keshendi jospary, 2021-2023 jyldarǵa arnalǵan jol kartasy, Óńirlerdi damytý jáne jazǵy-kúzgi kezeńge arnalǵan ınjenerlik jumystar josparlary.
«Barlyq baǵdarlamalyq qujattardaǵy is-sharalardyń oryndalýy nátıjesinde 455 myńnan astam halyq turatyn 100 myńnan astam turǵyn úıi bar 607 eldi mekende qaýipti azaıtýǵa jáne 214 eldi mekenderde qaýipti joıýǵa múmkindik berdi. Qazir óńirlerde daıyndyq jumystary júrýde. Jyl basynan beri óńirlerde 25 shaqyrym ýaqytsha bógender men 57 shaqyrym qorǵanysh biligi turǵyzyldy, shamamen 5 myń shaqyrym kanaldar men 6 myń shaqyrym aryq, 15 myń avtomobıl jáne 3 myńnan astam shaqyrym temir jol sý ótkizý qurylystary tazartyldy», - dedi TJ mınıstri Úkimet otyrysynda.
Ákimdiktermen birlesip, sý tasqyny qaýpi bar eldi mekenderdiń tizimi jańartyldy jáne naqtylandy, nátıjesinde olardyń sany 24-ke ósip 1 072-ni qurady. Bul osy eldi mekenderde aldyn alý is-sharalaryn tolyqqandy júrgizýge múmkindik beredi.
«Sý tasqynyna qarsy is-sharalardy odan ári iske asyrý úshin TJM bastamasymen óńirlik josparlarǵa erigen jáne jańbyr sýynyń tasqynynan halyqty qorǵaý deńgeıiniń ındıkatory engizildi, bul olardyń tıimdiligin arttyrýǵa múmkindik beredi», - dedi S. Sháriphanov.