107 myń qazaqstandyq maskúnemdik pen nashaqorlyqtan em alyp jatyr

NUR-SULTAN. QazAqparat – 107 myń qazaqstandyq maskúnemdik pen nashaqorlyqtan em alyp jatyr. Bul týraly QR Densaýlyq saqtaý mınıstrliginiń shtattan tys bas psıhıatr-narkolog mamany Qýanysh Altynbekov aıtty, dep habarlaıdy QazAqparat tilshisi.

«Birinshi jartyjyldyqta elimizde psıhobelsendi zattardy qoldaný saldarynan psıhıkalyq aýytqýlar boıynsha dınamıkalyq baqylaýǵa alynǵandardyń sany 107 myńnan astam adamdy qurady. Onyń 83 maskúnem bolsa, 17 paıyzǵa esirtkige táýeldi», - dedi ol Ortalyq kommýnıkatsııalar qyzmetinde ótken baspasóz máslıhatynda.

Qýanysh Altynbekov búginde halyqqa narkologııalyq kómek aýdandyq deńgeıdegi 204 psıhıkalyq densaýlyq kabınetinde jáne qalalyq emhanalar deńgeıindegi 83 bastapqy psıhıkalyq densaýlyq ortalyqtarynda júzege asyrylatynyn atap ótti.

Bul bastapqy ortalyqtarda psıhıatr (narkolog), psıhoterapevt, psıholog, áleýmettik qyzmetker bar kóp salaly komanda jumys isteıdi.