103 jastaǵy soǵys ardageri: Saılaýǵa qatysý jáne daýys berý – bul baqyt
11:30, 19 Naýryz 2023
ALMATY. QazAqparat- Ekinshi dúnıejúzilik soǵystyń ardageri Fılıpp Gýbanov óz tańdaýyn jasady, dep habarlaıdy QazAqparat tilshisi.
№536 saılaý ýchaskesinde tirkelgen 103 jastaǵy Fılıpp Gýbanov daýysty óz úıinde berdi.
«Meniń balalyq shaǵym bizdiń tarıhymyzdyń qıyn kezeńderimen sáıkes keldi – bul soǵys pen ashtyq. Taǵdyr maǵan beıbit ómir men baqytty kúnderdi kórýdi buıyrdy. Osy zaman saqtalsa eken deımin. Sondyqtan búgin men elimizdiń bolashaǵy úshin daýys berdim. Men úshin saılaýǵa qatysý jáne daýys berý-bul baqyt. Kelesi saılaýda kezdeskenge deıin», - dedi soǵys ardageri Fılıpp Gýbanov.
Esterińizge sala keteıik, Almatyda 602 saılaý ýchaskesi bar. 1,2 mln almatylyq daýys berý quqyǵyn paıdalana alady.