1000 mektepte beıindik synyptar ashylady

<p>ASTANA. KAZINFORM &ndash; Oqý-aǵartý mınıstri Ǵanı Beısembaev Úkimet otyrysynda Jumysshy mamandyqtar jyly aıasynda búkil óńirlerde &laquo;Jańa kásipter atlasy&raquo; ázirlenetinin aıtty.</p>

- Jospar aıasynda elimizde kásiptik baǵdar berýdiń jańa tujyrymdamasy iske qosylady. Bul baǵyttaǵy jumysty júıeli damytý úshin aımaqtardaǵy kadrǵa qajettilik eskerile otyryp, barlyq óńirlerde «Jańa kásipter atlasy» ázirlenedi.

Kásiptik baǵdar berýdiń jańa tásilderi oqýshylarǵa eńbek naryǵyndaǵy jańa talaptar týraly bilýge, ekonomıkanyń naqty sektorlaryndaǵy mansap perspektıvalaryn baǵalaýǵa jáne mamandyqtardy durys tańdaýǵa múmkindik beredi, - dedi ol.

Ǵanı Beısembaev mektepterde kásibı baǵdarlaý qyzmeti kúsheıtiletinin málim etti.

- Osy arqyly oqýshylar tolyǵymen kásibı dıagnostıkamen qamtylady. Kásiporyndar kolledjdermen birlesip 1000 mektepte beıindik synyptar ashady.

Joǵary synyp oqýshylaryn praktıkalyq daǵdylarǵa jáne kolledjder bazasynda alǵashqy jumys kásibine oqytý tájirıbesi engiziledi, - dedi mınıstr.

Buǵan deıin Prezıdent Jarlyǵymen 2025 jyl Jumysshy mamandyqtarynyń jyly dep jarııalanǵany edi.