100 jastaǵy arystyq keıýana naýqanǵa nemerelerin erte keldi

TÚRKІSTAN. QazAqparat – Ǵasyr jasaǵan Arys qalasynyń turǵyny Rysaldy Beısenbaeva nemerelerimen birge kelip, referendým ýchaskesinde daýys berdi, dep habarlaıdy QazAqparat tilshisi.

Arys qalasyndaǵy №23 referendým ýchaskesi resmı túrde ashyq dep jarııalanǵan soń, daýys berýshilerdiń alǵashqy legin 100 jastaǵy aýyl turǵyny bastap kirdi.

«Búgin elimizde ótip jatqan saıası naýqanǵa óz úlesimdi qossam degen nıetpen ertemen kelip, Jańa Qazaqstan qurý jolyndaǵy tańdaýymdy jasadym. Eleýli ózgeristi qalaıtyn, el taǵdyryna alańdaıtyn barlyq azamattar, jastar búgingi sharadan qalys qalmaýy tıis dep oılaımyn. Halqymyz aman bolsyn! Ózgeristerdiń barlyǵy ońynan bolsyn!» - deıdi keıýana.

Saılaý ýchaskesiniń tóraǵasy Nurǵazy Túlekbaev elden erte turyp, mańyzdy isten qapy qalmaǵany úshin qazynaly ájege estelik syılyq tabys etti.

Aıta ketsek, Túrkistan oblysy Maqtaaral aýdanynyń 85 jastaǵy turǵyny Jandarbek Júsipov alǵashqylardyń biri bolyp daýys bergen edi.

Sondaı-aq, daýys berýshi arystyq turǵyn shashý shashsa, saryaǵashtyq zeınetkerge shapan jabyldy.