100 jańa oqýlyqtyń alǵashqy legi latyn grafıkasynda jaryq kóredi
Bul týraly búgin Astanada ótken halyqaralyq konferentsııada QR Prezıdenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııa múshesi, Ulttyq aýdarma bıýrosynyń atqarýshy dırektory Raýan Kenjehanuly málim etti.
«Oqýlyqtardyń alǵashqy qazaqsha mátini shyqty, taza aýdarma jumysy aıaqtaldy deýge bolady. Kelesi mańyzdy jumys redaktsııalaý bolmaq. Aýdarmashylardyń qolynan shyqqan mátinderdiń barlyǵy eń aldymen ǵylymı redaktsııadan ótedi, onda ǵylymı tujyrymdar men ıdeıalardyń durys berilýi qadaǵalanady. Odan keıin ádebı redaktsııa júrgizilip, tilshi mamandar, baspagerler, aýdarma isiniń qyr-syryn jaqsy biletin redaktorlar mátindi taǵy da sholyp shyǵady», - dep túsindirdi Raýan Kenjehanuly Ulttyq akademııalyq kitaphanada ótken «Jańǵyrý 3.0: Rýhanı jańǵyrý» jıynynda.
Atqarýshy dırektordyń aıtýynsha, atalǵan oqýlyqtar qoǵamdyq talqylaýsyz, mamandardyń quptaýynsyz basylymǵa jiberilmeıdi.
«Joba aıasynda bedeldi qoǵam qaıratkerlerinen, bilikti mamandardan turatyn arnaıy redaktsııa alqasy qurylyp jatyr. Odan bólek, birqatar kezdesýler uıymdastyrý arqyly jumysymyzdy qoǵamǵa tanystyryp, quptaý alǵymyz keledi. Jyl sońyna deıin aýdarma men redaktsııalaý jumysyn aıaqtap, oqýlyqtardy basylymǵa ázirlep qoıý josparlanǵan», - dep óz sózin túıindedi R.Kenjehanuly.
Taǵy bir aıta keterligi, jańa oqýlyqtardyń alǵashqy legi kelesi jyly, Elbasy bekitken latyn qarpinde jaryq kóredi.
Ulttyq aýdarma bıýrosy tárjimalap jatqan 18 kitap týraly tolyq aqparat 100kitap.kz saıtynda berilgen.
1. Derek Johnston. A Brief History of Philosophy: From Socrates to Derrida
2. Anthony John Patrick Kenny. A New History of Western Philosophy (In Four Volumes). Volume 1
3. Anthony John Patrick Kenny. A New History of Western Philosophy (In Four Volumes). Volume 2
4. Remı Hess. 25 klıýchevyh knıg po fılosofıı
5. David Brinkerhoff, Suzanne Ortega, Rose Weitz. Essentials of Sociology. 9th Edition
6. George Ritzer. Sociological Theory. 10th Edition
7. Elliot Aronson. The Social Animal. 11th Edition
8. Duane P. Schultz, Sydney Ellen Schultz. A History of Modern Psychology. 11th Edition
9. David Myers. Social Psychology
10. Gregory Mankiw. Economics. 4th Edition
11. Donald F. Kuratko. Entrepreneurship: Theory, Process, and Practice. 10th Edition
12. Ricky W. Griffin. Management. 12th Edition
13. Karen Armstrong. A History of God: The 4,000-Year Quest of Judaism, Christianity and Islam
14. Victoria Fromkin, Robert Rodman, Nina Hyams. An Introduction to Language, International Edition
15. Svetlana Ter-Mınasova. ıAzyk ı mejkýltýrnaıa kommýnıkatsııa
16. Alan Barnard. History and Theory in Anthropology Theory
17. Klaus Schwab. The Fourth Industrial Revolution
18. Lee Anne Peck, Guy S. Reel. Media ethics at work