«100 jańa esim» jobasyna ótinish qabyldaý merzimi uzartyldy
Qazaqstanda «Rýhanı jańǵyrý» baǵdarlamasy aıasynda iske qosylǵan «Qazaqstannyń 100 jańa esimi» ulttyq jobasynyń úshinshi kezeńi uıymdastyrylýda. Elimizdiń túkpir-túkpirinen úmitkerlerdiń ótinishteri qabyldanýda. «BıÝRO 100» jobasynyń bastamashyl toby keıipkerlerdi ár aımaqtan izdep jatyr.
Bıylǵy tártip boıynsha jasy 39-dan aspaǵan qazaqstandyqtardyń arasynan jańa esimder anyqtalýda. Ár úmitkerdiń tabysqa jetýdegi qyzyqty oqıǵasy bolýy kerek. Uıymdastyrýshylar talantymen jáne eńbegimen mansapta bıikke qol jetkizgen jandarǵa nemese ondaǵan adamnyń ómirin qutqarǵan «batyrlarǵa» qyzyǵýshylyq tanytady.
Jobaǵa qatysýǵa ótinishterdi qabyldaý merzimi 1 qarashaǵa deıin uzartyldy. Jobaǵa qatysý úshin 100janaesim.ruh.kz saıtynda arnaıy formany toltyrý kerek.