«100 jańa esim» jobasyna ótinimderdi qabyldaý merzimi uzartyldy

NUR-SULTAN. QazAqparat - «Qazaqstannyń 100 jańa esimi» jobasynyń IV maýsymyna qatysýǵa ótinimderdi qabyldaý merzimi 2021 jylǵy 21 naýryzǵa deıingi ýaqytty qosa alǵanda bir aptaǵa uzartyldy.

Aıta ketsek, joba bıyl Táýelsizdiktiń 30 jyldyǵy aıasynda ótýde.

Qazirgi ýaqytta Qazaqstannyń barlyq óńirlerinen ótinimder belsendi usynylyp, qabyldanýda. Qatysýǵa ótinimdi 100janaesim.ruh.kz saıtynda berýge bolady. Uıymdastyrýshylar baıqaýǵa eń laıyqty úmitkerlerdi izdeýdi jalǵastyrýda.

Esterińizge salsaq, jobaǵa qatysý úshin úmitkerlerge kelesideı talaptar qoıylady:
- kámelettik jasqa tolýy (18 Jas), QR azamattyǵy;
- Qazaqstannyń damýyna qosqan naqty úlesi bolýy shart.

Kelesi kezeńde jalpyhalyqtyq daýys berilip, qazylar alqasy músheleri jeńimpaz bolýǵa laıyqty kandıdattardy irikteıtin bolady.

Eske salsaq, «Qazaqstannyń 100 jańa esimi» jobasynyń 4-inshi kezeńiniń bastalǵanyn buǵan deıin habarlaǵan bolatynbyz.