100 jańa esim: Aýyr atletıkadan bapker Olımpıadanyń altyn medalin ákelýge ýáde berdi

NUR-SULTAN. QazAqparat – «Qazaqstannyń aýyr atletıkasynyń úmiti» atanǵan jattyqtyrýshy Ivan Snegýrov shákirtterimen birge tabandy eńbek etip, keleshekte el abyroıyn asqaqtatýǵa ýáde berdi, dep habarlaıdy QazAqparat tilshisi.

Ivan Snegýrov - Qaraǵandy qalasynyń týmasy.

«Meniń atam men ákem – aýyr atletıkadan bapker bolǵan kisiler. Mine, sondyqtan áke jolyn jalǵastyrý kerek dep uıǵardym. 28 jasymda Qazaqstan Respýblıkasynyń eńbek sińirgen bapkeri atandym. Qazirgi tańda meniń shákirtterimniń ishinen Álem jáne Azııa chempıondary, respýblıkalyq deńgeıdegi rekordsmender de shyqty. Tabandy túrde eńbekti jalǵastyryp, startqa daıyndala beremiz. Alaıda qazirdiń ózinde 2024 jyly amandyq bolsa, Qazaqstanǵa Olımpıadanyń altyn medalin alyp kelemiz», - dedi Ivan Snegýrov elordada «Qazaqstannyń 100 jańa esimi» jobasynyń úshinshi kezeńine oraı ótkizilgen jıynda.

Bapker shákirtteriniń birligi bekem, maqsaty aıqyn ekenin atap ótti.

«Otandastarymdy kele jatqan jańa jylmen quttyqtaımyn», - dedi ol.

Eske sala ketsek, elordada «Qazaqstannyń 100 jańa esimi» jobasynyń úshinshi kezeńi ótti. «Qazaqstannyń jańa esimderi» jobasynyń maqsaty - táýelsizdik jyldary Qazaqstannyń damýyna eleýli úles qosqan adamdardyń tarıhy mysalynda tabystylyq, básekege qabilettilik, pragmatızm jáne bilimge tabyný ıdeıalaryn ilgeriletý. Bıyl jobaǵa qatysý úshin 1673 anketa qabyldanǵan. Jalpy, barlyq qatysýshyǵa 700 myńnan asa daýys berilgen.

Barlyq kezeńniń qorytyndysy boıynsha bıyl 32 jeńimpaz anyqtaldy.