100 sporttyq nysan qurylysynyń qashan aıaqtalatyny anyqtaldy

NUR-SULTAN. QazAqparat - Parlament Senatyndaǵy Úkimet saǵatynda QR Mádenıet jáne sport vıtse-mınıstri Eldos Ramazanov elimizde salynatyn sporttyq nysandar týraly aıtty, dep habarlaıdy QazAqparat tilshisi.

«Mınıstrlik dene shynyqtyrý jáne saýyqtyrý keshenderine asa muqtaj eldi mekenderge qatysty 100 nysannyń qurylysy boıynsha taldaý júrgizdi. Osyǵan sáıkes, vedomstvo jobalar tizimin daıyndap, 2019 jyly 22 keshenniń, 2020 jyly - 37, al 2021 jyly 41 keshenniń qurylysy josparǵa engizildi», - dedi vıtse-mınıstr.

Onyń sózine qaraǵanda, óńirlerde 100, 160 jáne 320 kórermenge arnalǵan tıptik keshenderdiń jobalary bar jáne olar qurylys kezinde paılanylyp kelgen.

«Birqatar óńirde dene shynyqtyrý keshenderiniń qurylysy jergilikti bıýdjet pen jeke ınvestıtsııalardy tartý esebinen júzege asyryla bastady», - dedi ol.

Budan buryn habarlanǵandaı, Qazaqstanda dene shynyqtyrý jáne sport salasynda demeýshilik kómek kórsetý boıynsha saıasatty júzege asyratyn biryńǵaı operator qurý josparlanýda.

Sonymen qatar, elorda kúni qarsańynda Jekpe-jek saraıynyń qurylysy aıaqtalady.