«100 oqýlyq» arqyly qazaqtildi stýdentter ǵylymı áleýetterin arttyra alady - sarapshy

ASTANA. QazAqparat - «Rýhanı jańǵyrý» baǵdarlamasy aıasyndaǵy «Jańa gýmanıtarlyq bilim. Qazaq tilindegi 100 jańa oqýlyq» jobasy boıynsha qazaq tiline aýdarylatyn 100 oqýlyq - ulttyq aýdarmanyń metedologııalyq turǵydan negizin qalap jatyr. QR Tuńǵysh Prezıdenti - Elbasy Qorynyń janyndaǵy Álemdik ekonomıka jáne saıasat ınstıtýtynyń  sarapshysy Serik Beısenbaev osyndaı pikir bildirdi, dep habarlaıdy QazAqparat tilshisi.

«Bizdiń qazirgi Qazaqstannyń damýynyń negizgi alǵysharty - ıntellektýaldyq áleýetimizdi arttyrý bolyp tabylady. Bul maqsatty oryndaý úshin biz eń aldymen gýmanıtarlyq saladaǵy álemdik bilimge qol jetkizýimiz kerek. Osy baǵytta sapaly túrde qazaq tiline aýdarylǵan oqýlyqtar úlken mańyzdy ról atqarady. Sońǵy jyldary ókinishke qaraı bul sala jetkilikti deńgeıde damymaǵan bolatyn. Ázirge 18 oqýlyq shyqty. Bul oqýlyqtar tikeleı aldyńǵy qatarly klassık ǵalymdardyń jazyp shyqqan eńbekteri. Osy oqýlyqtardyń nátıjesinde bizdiń qazaq tildi stýdentter óziniń ǵylymı áleýetin arttyrýǵa múmkindigi bar», - dedi ol QR Tuńǵysh Prezıdenti - Elbasy Qorynyń janyndaǵy ÁESI-diń oqýlyqtardy saraptaýǵa arnalǵan kezdesýde.

Serik Beısenbaevtyń aıtýynsha, bul baǵyttaǵy taǵy bir basty jetistik - ulttyq aýdarma baǵytynyń metedologııalyq turǵydan negizi qalanyp jatyr. Bul óte mańyzdy sharýa.

«ıAǵnı, bul aýdarylǵan oqýlyqtar jalpy aýdarmanyń sapalyq turǵyda belgili bir standarttaryn anyqtaıdy. Demek, keıingi aýdarylǵan oqýlyqtar memleket tarapynan bolsyn, memlekettik emes uıymdardan bolsyn, dál osy 100 oqýlyqtyń sapasyn eskere otyryp, tárjimalanatyn bolady. Sondyqtan, bul aldaǵy áli de jasalatyn jumystyń negizin qalap berdi dep aıtýǵa bolady», - deıdi sarapshy.

Serik Beısenbaev áleýmettanýshy retinde joba aıasynda aýdarylǵan eki oqýlyqty qarap shyqqanyn, ekeýi de kóńilinen shyqqanyn atap ótti.

«Eki oqýlyq jalpy áleýmettaný ǵylymynyń negizin, ondaǵy teorııany, negizgi ǵylymnyń ókilderi jóninde maǵlumat beredi. ıAǵnı, áleýmettaný baǵytynda oqyp júrgen jastar úshin eń birinshi, alǵashqy bilimdi beretin oqýlyqtar dep aıtýǵa bolady. Termınder boıynsha kelisýge de, kelispeýge de bolady. Іshindegi keıbir termınder ǵalymdardyń tarapynan suraqtardy týyndatýy múmkin. Biraq, bul - qalypty qubylys. Bul - osy baǵyttaǵy dıskýssııany ashyp bere alady», - deıdi sarapshy.

Aıta ketý kerek, Elbasynyń «Rýhanı jańǵyrý» baǵdarlamasy aıasyndaǵy «Jańa gýmanıtarlyq bilim. Qazaq tilindegi 100 jańa oqýlyq» jobasy boıynsha qazaq tiline 18 kitap aýdarylǵan bolatyn.