«100 naqty qadamǵa» arnalǵan dóńgelek ústelde ekonomıkanyń alty negizgi salasyna bilikti kadrlardy ázirleý máselesi qozǵaldy - Aqtóbe

AQTÓBE. QazAqparat - Aqtóbe kólik, kommýnıkatsııa jáne jańa tehnologııalar kolledjinde «100 naqty qadam» - Ult josparyn júzege asyrý máseleleri týraly» degen taqyrypta dóńgelek ústel ótkizildi.

Oǵan oblystyq bilim basqarmasynyń, tehnıkalyq jáne kásibı bilim berý, mektepter men ınternattar, bilim salasy ortalyqtarynyń basshylary men ókilderi qatysty, dep habarlaıdy egemen.kz. Dóńgelek ústelde Bilim jáne ǵylym vıtse-mınıstri Esenǵazy Imanǵalıev «100 naqty qadam» Ult josparyn júzege asyrý jónindegi negizgi baǵyttaryn tarata baıandap, ulttyq komıssııanyń osy máselege qatysty atqaratyn aýqymdy isterine tereńirek toqtaldy. Shara barysynda sóz alǵan Aqtóbe polıtehnıkalyq kolledjiniń dırektory Qasymbek Aldııarov, Aqtóbe qurylys jáne bıznes kolledjiniń qyzmetkeri Qamalhan Qýan jáne basqalary 12 jyldyq bilim berýdi kezeń-kezeńmen engizý, fýnktsııalyq saýattylyqty damytý úshin mekteptegi oqytý standarttaryn jańartý, joǵary synyptarda janbasylyq qarjylandyrýdy engizý, tabysty mektepterdi yntalandyrý júıesin qurý, ekonomıkanyń alty negizgi salasy úshin bilikti kadrlardy ázirleý máselesin ortaǵa saldy. Sondaı-aq bilim berý júıesinde - joǵary synyptar men JOO-larda aǵylshyn tilinde oqytýǵa kezeń-kezeńmen kóshýdi júzege asyrý boıynsha birqatar pikirler men usynystar aıtyldy.