«100 naqty qadam» - Ult Jospary nátıjeli iske asýda

ASTANA. QazAqparat - Elimizdiń Mádenıet jáne sport mınıstrligi men Din isteri jáne azamattyq qoǵam mınıstrligi «100 naqty qadam» - Ult Josparynyń 4 baǵyty aıasynda, atap aıtqanda 85,86,87,88,89 qadamdardy iske asyryp keledi. Olardyń ishinde búgingi tańda 85, 86, 87 qadamdar oryndalyp, 89, 90 qadamdar boıynsha naqty sharalar atqarylýda.

85-qadam, ıaǵnı «Máńgilik El» patrıottyq aktisin júzege asyrý boıynsha, Birtektilikti nyǵaıtý jáne qazaqstandyq birlikti damytý Tujyrymdamasy ázirlendi. 86-qadamdy iske asyrý aıasynda Qazaqstan Respýblıkasynyń týrıstik salasyn 2023 jylǵa deıin damytýdyń jańa Tujyrymdamasy qabyldandy. Onymen qosa, Jańǵyrý 3.0 aıasynda týrızm salasy otyn-energetıkalyq, agrarlyq-ónerkásip keshenderi, ındýstrııalandyrý, saýda jáne kólikpen qatar 6 negizgi basymdyqtyń qataryna qoıylǵan. Týrızmdi damytý saıasaty geografııalyq jaǵynan Qazaqstandy tutas qamtıtyn qajetti ınfraqurylymy bar 6 óńirlik mádenı-týrıstik klasterlerdi qurýǵa baǵyttalǵan. Óńirlerdiń ereksheligin eskere otyryp, sakraldi, ekologııalyq, ańshylyq-oljalyq, mádenı-tanymdyq, medıtsınalyq, sporttyq sııaqty ózge de Qazaqstan úshin jańa týrızmniń túrlerin damytýǵa basty nazar aýdarylmaq. 87-qadamdy iske asyrý boıynsha, Mádenıet jáne sport mınıstrligi óńirlerde mýzeıler men Dostyq úılerinde jáne Ulttyq mýzeıde QHA tarıhy jáne Qazaqstannyń kóp etnıkalyǵy zaldaryn qurdy. «Qazaqstan entsıklopedııasy» QR SІM-men birge «Uly Dala Eli» Qazaqstan týraly tsıfrlyq entsıklopedııa shyǵarý boıynsha tolyǵymen iske asyrylǵan joba retinde baqylaýdan alyp tastaldy.

Din jáne azamattyq qoǵam mınıstrliginiń jumysy turǵysynda atalǵan Qadamdy iske asyrý boıynsha aldaǵy jumys aıasynda memlekettik áleýmettik tapsyrys salasyna qatysty zańnamaǵa ózgerister engizý kózdelgen. Memlekettik áleýmettik tapsyrys aıasynda usynylatyn qyzmetterdiń sapasyn arttyrý úshin halyqaralyq tájirıbeni eskere otyryp, qyzmet kórsetý naryǵy jetildiriledi. Memlekettik áleýmettik tapsyrys aıasynda taqyrypty qalyptastyrýǵa qoǵamnyń qatysýyn keńeıtý memlekettik áleýmettik tapsyrysty baǵalaý, ÚEU qyzmetterdiń standarttaryn engizý arqyly memlekettik áleýmettik tapsyrysty monıtorıngileý jáne baǵalaýdyń biryńǵaı júıesi ázirlenbek. 88-shi qadam da iske asyrylǵanyn atap ótkenimiz jón.

«Nurly bolashaq» (89-qadam) ulttyq jobasynyń aıasynda mekteptik bilim berýdiń qoldanystaǵy oqý baǵdarlamalaryna Máńgilik el qundylyqtaryn engizý qarastyrylatyny belgili.

Bıyl 15 aqpanda Qazaqstan Respýblıkasy Úkimetiniń janyndaǵy Respýblıkalyq termınologııa komıssııasynyń otyrysy ótkizilip, zańnamalyq aktilerde jıi qoldanylatyn termınder, sondaı-aq mádenıet salasy termınderi qarastyryldy. Komıssııa sheshimi boıynsha 100-den asa termın bekitilip, ataýlardy ózgertýge baılanysty 28 usynys qabyldandy. «Memlekettik tildi oqytý: ádis, tájirıbe, ınnovatsııa» taqyrybynda respýblıkalyq semınar-keńes bolyp ótti. Іs-shara memlekettik tildi oqytý ádistemesin jetildirý, tájirıbe almasý maqsatynda uıymdastyryldy.

Budan bólek, Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn talqylaý maqsatynda «Tamyry tereń álipbı: jalpytúrkilik biregeıliktiń myzǵymas negizi» atty halyqaralyq ǵylymı-praktıkalyq konferentsııa ótkizildi.

Barsha qaýymǵa belgili, bıyl Elordamyzda 22-25 maýsym aralyǵynda Dúnıejúzi qazaqtarynyń V quryltaıy ótkizilip, oǵan álemniń 39 elinen 350-ge jýyq adam shaqyryldy. Quryltaı aıasynda Memleket basshysynyń qatysýymen saltanatty jıyn ótkizildi, birqatar mınıstrlikterde dóńgelek ústelder uıymdastyryldy, EKSPO pavılonyna barý jáne t.b. sharalar atqaryldy.

Din isteri jáne azamattyq qoǵam mınıstrliginiń jumysy boıynsha, jastardyń tabysty áleýmettenýine baǵyttalǵan, memlekettik ¬jastar saıasatynyń tıimdi modelin qalyptastyrýdy aıaqtaý Memlekettik jastar saıasatynyń 2020 jylǵa deıingi tujyrymdamasynyń ekinshi kezeńiniń negizgi maqsaty bolyp tabylady. Bıyl 10 qańtarda Qazaqstan Respýblıkasy Úkimetiniń otyrysy ótkizilip, onda memlekettik jastar saıasatyn iske asyrýdyń ózekti máseleleri talqylandy.