«100 naqty qadam» reformalary «Nur Otan» partııasynyń saılaýaldy baǵdarlamasynyń negizine aınaldy - Farhad Qýanǵanov

ASTANA. QazAqparat - «Qazaqstan-2050», «Nurly jol» men «100 naqty qadam» reformalary «Nur Otan» partııasynyń saılaýaldy baǵdarlamasynyń negizine aınaldy. Bul týraly búgin «Nur Otan» partııasynda ótken «Nur Otan» partııasynyń XVII sezinde Prezıdent N.Nazarbaev alǵa qoıǵan Qazaqstandy damytý máseleleri» atty dóńgelek ústelde partııa hatshysy Farhad Qýanǵanov málim etti.

«Memleket basshysy óziniń «Nur Otan» partııasynyń kezekten tys sezinde sóılegen sózinde álemdik qaıymdastyq aldyna jańa keń aýqymdy qaýip-qaterler tóngendigin atap ótti. Ol - jahandyq ekonomıkalyq daǵdarys, álemdik valıýtalyq daǵdarys, devalvatsııa. Búginde tutas bir aımaqtyń aýmaǵyn qaqtyǵystar sharpyp ketken. Sonymen qatar, álem boıynsha, buryn-sońdy bolmaǵan mıgratsııalyq daǵdarysty kórip otyrmyz.

Qazaqstan álemdik qaýymdastyqtyń ajyramas bir múshesi retinde osy qaterlerdiń ekpinin sezinip otyr. Osy jaǵdaıda QR Prezıdentiniń birlik pen yqpaldastyqqa negizdelgen memlekettik baǵytyna balama joq dese de bolady. Memleket Basshysynyń sátti ári sara saıasatynyń arqasynda turaqtylyqtyń, ósimniń jáne jasampazdyqtyń mańyzdy áleýeti qalyptasty», - dedi ol «Nur Otan» partııasynyń ortalyq apparatynda ótken jıynda.

Onyń pikirinshi, Qazaqstan baǵytyn «Qazaqstan-2050» baǵdarlamasy, óziniń sıpaty boıynsha, eldi ekonomıkalyq daǵdarystan az shyǵynmen alyp shyǵýǵa baǵyttalǵan «Nurly jol» baǵdarlamasy, sonymen qatar eldiń bolashaqqa arnalǵan mejesi - «100 naqty qadam» Ult Jospary reformalar jıyntyǵy anyqtap berip otyr.

«Osy memlekettik baǵdarlamalar jáne «100 naqty qadam» reformalary «Nur Otan» partııasynyń saılaýaldy baǵdarlamasynyń negizine aınaldy. Memleket basshysy atap ótkenindeı, «Nur Otan» partııasynyń bunyń aldyndaǵy tuǵyrnamasynda belgilengen eń negizgi mindettemeler ýaqytynan buryn oryndaldy», - dep túıdi oıyn F.Qýanǵanov.