«100 naqty qadam» memlekettik baǵdarlamalardy bir júıege biriktirýge múmkindik berdi - S. Boqaev

ALMATY. QazAqparat - «100 naqty qadam» Ult jospary júzege asyrý mehanızmderi túsinikti júıeli-jınaqtaýshy qyzmet atqarady. Bul týraly búgin «QazAqparat» tilshisine Almaty qalasy Іshki saıasat basqarmasynyń basshysy Sanjar Boqaev aıtty.

«Elbasy Nursultan Nazarbaevtyń bes ınstıtýtsıonaldyq reformany júzege asyrý boıynsha usynǵan «100 naqty qadam» Ult jospary óte mańyzdy «jınaqtaýshy» qyzmet atqarady. «2050 Strategııasy», «Nurly jol», «Jalpyǵa ortaq eńbek qoǵamy» jáne basqa da memlekettik baǵdarlamalardyń maqsaty men mindetteri jáne olardy júzege asyrý mehanızmderi ózara tamasha sáıkestendirilgen», - dedi Іshki saıasat basqarmasynyń basshysy.

Ol sonymen qatar, túrli baǵdarlamalardy ózara tıimdi túrde sáıkestendirý úshin olarǵa birtutas júıeniń ajyramas bólikteri retinde qaraý kerektigin aıtty.

«100 naqty qadam» atty Ult jospary ár túrli memlekettik baǵdarlamalardy týra bir «Pazl» sekildi birtutas júıege biriktirýge múmkindik berdi. Bul júıeniń júzege asyrý mehanızmderi túsinikti. Sondaı-aq, qoǵamnyń talap-tilekteri de, bolashaǵy bar damý josparlary da tolyq qamtylǵan», - deıdi S. Boqaev.