«100 naqty qadam» Qazaqstannyń álemdik naryqta básekege qabiletti bolýyna septigin tıgizedi - A.Raqymjanova

ASTANA. QazAqparat - Ult jospary «100 naqty qadam» boıynsha bes ınstıtýtsıonaldyq reformany júzege asyrý Qazaqstannyń álem naryǵynda básekege qabiletti bolýyna septigin tıgizedi. Búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Tuńǵysh Prezıdenti kitaphanasy strategııalyq zertteýler jáne boljaýlar bóliminiń jetekshi ǵylymı qyzmetkeri Anar Raqymjanova osylaı málim etti.

Eske salaıyq, baspasóz máslıhaty N.Nazarbaevtyń bes ınstıtýtsıonaldyq reformalar aıasyndaǵy 100 naqty qadam Ult josparynyń iske asý máselelerine arnalǵan bolatyn.

Sarapshynyń paıymynsha, Elbasy aıqyndaǵan júz qadam jospary Qazaqstannyń keleshektegi ornyqty damýy úshin negiz bolyp, azamattardyń ál-aýqatyn jaqsartýǵa yqpal etedi. Budan bólek, atalǵan reformalar syrtqy ortanyń jaǵymsyz áserleri jaǵdaıynda ornyqty damýdy da qamtamasyz etpek.

«Túıindeı aıtsaq, Qazaqstannyń mindeti, sonyń ishinde Úkimettiń, memlekettik organdardyń jáne barsha azamattarymyzdyń mindeti árkim ózine tıesili baǵyttaǵy isterdi sapaly oryndaýlary kerek. Osylaısha, álem naryǵynda meıilinshe ornyqty elge aınala túsý úshin, syrtqy ózgeristerge ishki ortanyń ıkemdiligin qamtý úshin ortaq maqsattardy júzege asyrý múddesine jumylý qajet. Bul tek ekonomıkanyń ǵana emes, áleýmettik baǵyttyń da sharýasy. Tutastaı alǵanda, ult ózi básekege qabiletti bolýǵa umtylýy kerek. Buǵan negizder de qalanǵan. Endeshe, eń bastysy, Elbasy aıqyndaǵan mindetterdi sapaly ári tıimdi júzege asyrý», - dedi A.Raqymjanova.

Onyń sózine qaraǵanda, aldaǵy reformalardy tıimdi etýge elimizde alǵysharttar da qalyptasqan. Máselen, «Nurly jol» baǵdarlamasynyń ózi Qazaqstannyń ornyqty damýyna septigin tıgize alady.