«100 naqty qadam» ındýstrıaldy saıasatqa serpin berýde
Bul zań jobalarynyń birqatary ekonomıkalyq sektordy damytýda jańa múmkindikterge jol ashady. Máselen, ındýstrııalyq-ınnovatsııalyq saıasatqa tyń serpin beretin kóp ózgerister engizildi.
«Qazaqstannyń ındýstrııalyq-ınnovatsııalyq saıasaty máseleleri boıynsha zańnamasyna ózgertýler men tolyqtyrýlar engizý týraly» zań jobasy Memleket basshysynyń 5 ınstıtýtsıonaldyq reformasyn júzege asyrý boıynsha «100 naqty qadam» Ult josparynyń 55,56,57,59,63,86 qadamyn júzege asyrýǵa baǵyttalǵan. Sonymen qatar, qolaıly ınvestıtsııalyq ahýal ornatý, energııa servıstik qyzmetter naryǵyn damytý, týrızm ındýstrııasyn odan ári júıeli jolǵa qoıý, naqty óndiristik jobalardy júzege asyrý úshin jergilikti jáne sheteldik joǵary tehnologııaly kompanııalardy tartý, ınnovatsııalyq klasterlerdi alǵa bastyrý maqsatynda jasalǵan. Zań jobasy 3 kodeks pen 6 zańǵa túzetýler engizýdi qarastyrylady. Zań jobasy aıasynda iri transulttyq kompanııalarǵa qatysty birqatar salyqtyq jeńildikter engizý kózdelýde. Bul týraly QR Investıtsııalar jáne damý mınıstri Áset Isekeshev: «Jobalardy tabysty júzege asyrý men iri transulttyq kompanııalardyń jumysyn jalǵastyrý úshin ınvestorlarǵa beriletin jeńildik rejimin saqtap qalý kerek. Osyǵan baılanysty, ınvestıtsııalanyp jatqan joba aıasynda paıdalanylatyn shıkizattar men materıaldar ımporty barysynda jańa salyqtyq, kedendik jeńildikter jasalǵany durys», - degen edi. Budan bólek óńdeýshi ónerkásipti odan ári damytý úshin ásirese álemdik naryqtardaǵy jaǵdaıdy ózgertý aıasynda, onyń ishinde kórshiles elderde biregeı tehnologııalarǵa qoljetimdiliktiń mańyzy zor. Bul turǵyda basym baǵyttar men salalar boıynsha Renault-Nissan, Shevron, LG, Airbus, IBM, Microsoft sııaqty jáne taǵy basqa halyqaralyq kompanııalarmen kelissózder júrgizilýde, sondaı-aq basym baǵyttar boıynsha áleýetti seriktester izdeý júrip jatyr. Qazirde 20-dan astam transulttyq korporatsııamen kelissózder aıaqtaldy. Sonymen qatar, Qazaqstanda energııa servıstik qyzmetter naryǵy operatorynyń rólin Investıtsııalar jáne damý mınıstrligi janyndaǵy Elektr energetıkasyn jáne energııa únemdeýdi damytý ınstıtýtyna tapsyrý qarastyrylýda. Aldaǵy ýaqytta Germanııanyń úzdik tájirıbesine súıenip, mınıstrlik janyndaǵy energııany únemdeýdi damytý ınstıtýty bazasynda energojúıeli qyzmet naryǵy operatory qyzmetin zańnamalyq turǵyda bekitý usynylýda. Sóıtip, jańa sala jasaqtalyp, bul ınstıtýt energotıimdilik kartasyn jasap, júrgizetin bolady. Aıta ketý kerek, bul ınstıtýttyń jumysyna ádistemelik baza jasaýǵa kómek berý úshin nemistiń «Dena» energetıkalyq agenttigi tartylyp jatyr. Sondaı-aq kem degende 3 strategııalyq ınvestorlar tartylady. Qabyldanǵan sharalar nátıjesinde shamamen 100 jobany júzege asyrý kózdelgen. Jalpy, IDM basshysynyń aıtýynsha, energotıimdilik salasynyń ınvestıtsııalyq tartymdylyǵyn arttyrýda zańnamalyq kedergilerdi alyp tastaý usynyldy. ıAǵnı, energoresýrstar esebinen energojúıelik kompanııalardyń qyzmetin tóleýdi uzaq merzimdi josparlaý qarastyrylyp otyr. Avtokólik qurastyrý salasyndaǵy iri ınvestıtsııalyq jobalardy júzege asyrý úshin ımporttyq avtokomponentterdi qosymsha qun salyǵyn tóleýden bosatý usynylýda. Búgingi tańda LG Electronic, General Electric, Toyota, KIA, Huindai, Peugeout, Siemenes sııaqty kompanııalarmen birqatar ortaq jobalar bar. Osy jobalardy tabysty júzege asyrý úshin jáne olardyń transulttyq kompanııalarda jaqsy jumys jasaýy úshin jeńildikti rejımdi saqtaý qajet. Sol úshin de atalǵan ınvestıtsııalyq jobalardy júzege asyrý kezinde paıdalanylatyn shıkizat pen materıaldardy ımporttaý kezinde salyqtyq kedendik jeńildikter engizý usynylady.