«100 naqty qadam» bilim sapasyn arttyrýdy kózdeıdi
Óıtkeni, jas urpaqtyń keleshegi kemeldi, bilimi tereń, aqyl-oıy men parasaty bıik bolýyna búgingi bizder, aǵa urpaq ókilderi, zııaly azamattar aıryqsha jaýaptymyz.Ult jospary: «100 naqty qadamnyń» árbir jolyn oqyǵan saıyn osyndaı oı túıýge bolady.
«100 naqty qadam» Ult josparynda bilim berý júıesine baılanysty aıtylǵan qaǵıdalarǵa qaıta oralar bolsaq, osy qujattyń 76-qadamynda: «EYDU elderi standarttarynyń negizinde adam kapıtalynyń sapasyn kóterý, 12 jyldyq bilim berýdi kezeń-kezeńimen engizý, fýnktsııalyq saýattylyqty damytý úshin mekteptegi oqytý standarttaryn jańartý. Joǵary synyptarda janbasylyq qarjylandyrýdy engizý, tabysty mektepterdi yntalandyrý júıesin qurý» máseleleri kóterilgen eken. Ýaqyt, zaman talabyna saı týyndaǵan bul máselelerdiń óz kezeginde oryn-ornyna keletindigi sózsiz. Maqsat - ilgeri basý, ekonomıkany turaqtandyrý, áleýmettik salany barynsha jandandyrý bolǵandyqtan, mundaı qadamdardy qoldaý qajet.
77-shi qadamdaǵy: «Ekonomıkanyń alty negizgi salasy úshin 10 aldyńǵy qatarly kolledj ben 10 joǵary oqý ornynda bilikti kadrlardy ázirleý, keıinnen bul tájirıbeni elimizdiń basqa oqý oryndaryn tartý» qajettigi aıtylǵan. Munyń da pisip-jetilgen másele ekeni daýsyz. Bilikti kadrlar bizdiń elimizde jetkilikti. Bul tájirıbeni basqa da oqý oryndaryna taratqannan esh utylmaımyz. Tájirıbe - kópke ortaq qasıetin eshqashan joǵaltpaıdy. Qazirgi tańda, ásirese, Nazarbaev zııatkerlik mektepteri óziniń bilim salasyndaǵy tabystarymen kózge túsip úlgerdi jáne osy bilim berý oshaqtarynyń tájirıbesi búkil el ustazdary úshin úlgi retinde keńinen taratylýǵa laıyq. Bul baǵyttaǵy is-sharalar oqýshy jastardyń sapaly bilim alýyna septigin tıgizedi jáne jastardyń básekege qabiletti mamanǵa aınalýyna yqpal etpek.
«Nazarbaev Ýnıversıteti tájirıbesin eskere otyryp (78-qadam), JOO-lardyń akademııalyq jáne basqarýshylyq derbestigin kezeń-kezeńimen keńeıtý. Kommertsııalyq emes uıymdardaǵy jekemenshik JOO-laryn halyqaralyq tájirıbege sáıkes transformatsııalaý» máselesi de oryndy. Bul mindet JOO-lardyń qyzmetine tyń serpin berip, eń bastysy, daıarlanatyn kadrlardyń sapasyn kóterýge áser etýi tıis.
Ult josparynyń odan ári 79-shi qadamynda bilim berý júıesinde - joǵary synyptar men JOO-larda aǵylshyn tilinde oqytýǵa kezeń-kezeńimen kóshýdiń qajettigi aıtylǵan. Mundaǵy basty maqsat - daıarlanatyn kadrlardyń básekelestik qabyletin arttyrý jáne bilim berý sektorynyń eksportyq áleýetin kóterý. Bul elimiz úshin mańyzdy ómirlik másele ǵoı. Aǵylshyn tili - álemge keń taraǵan til. Búkil bilim ataýlynyń negizderi, aqparattyń kózi osy tilde dúnıege keledi. Ony búldirshinderimizge balabaqshadan, mektepten bastap tyńǵylyqty úırete bersek, eshteńeden utylmaımyz. Bolashaq maman jastardyń qaı-qaısysyna da óz ana tilin, ózge de tilderdiń bárin bilgenniń esh zııany joq. Kóp tildilik búgingi zamanǵa jarasady. Tek Qadyr aqyn aıtqandaı, «óz tilimizdi de qadirleı bileıik». Al, til bilgen adam álemniń kez kelgen buryshynda emin-erkin júre alady. Munyń bári, saıyp kelgende, Qazaqstan azamattarynyń álemdik dárejede bilimdi, kez kelgen salany ıgergen tolyqqandy maman bolýy arqyly elimizdi jańa bir beleske kóterýdi kózdeıtin ıgilikti bastamadan týǵan is-shara dep bilemiz.