100 mln teńgeden astam kontrabandalyq taýar memleket kirisine aınaldy — Kólik prokýratýrasy

<p>ASTANA. KAZINFORM &ndash; Sońǵy jyldary Qazaqstanda kontrabandaǵa qarsy kúrestiń ózektiligi artyp otyr, buǵan Almaty áýejaıyndaǵy kedendik baqylaý kezinde anyqtalǵan jaǵdaılar dálel. Bul týraly Kólik prokýratýrasynyń baspasóz qyzmeti málim etti.&nbsp;</p>

Mysaly, poshtalyq sálemdemelerdiń birinen AQSh-tan oıynshyq túrinde jalǵan qujattarmen gaýhar tastary bar zergerlik buıymdar tabyldy. 

Kólik prokýratýrasynyń talap- aryzy boıynsha Túrksib aýdandyq soty tárkilengen jalpy quny 60 mln teńgeni quraıtyn zergerlik buıymdardy memleket menshigine ótkizdi.

Almaty kólik prokýratýrasynyń taǵy bir talap-aryzy boıynsha sot Túrkııadan geotekstıl atyn jamylyp kelgen jalpy quny 48 mln teńgeden asatyn taýarlardy memleket kirisine aınaldyrdy.

Kontrabandany anyqtaý jáne jolyn kesý jumystary jalǵasyp jatyr. 

Buǵan deıin habarlanǵandaı, ІІM munaı ónimderi iri kontrabandasynyń arnasyn joıdy.