100 QADAM: Ult Josparynda sot júıesi boıynsha bekitilgen barlyq jańashyldyqtar 2016 jyldan bastap iske asýda - A.Rahmetýllın
Bul týraly QR Joǵarǵy Sotynyń Qylmystyq ister boıynsha sot alqasynyń tóraǵasy Abaı Raxmetýllın málim etti.
«100 qadam» Ult Jospary reformasynda sot júıesine basa nazar aýdarylǵan. Bul memlekettiń odan ári damýyndaǵy sottardyń erekshe rólin kórsetedi. Qazirgi ýaqytta sot tóreligin tıimdilik deńgeıi ekonomıkalyq, áleýmettik, quqyqtyq jáne ózge de salalaryn tabysty jańǵyrýyn aıqyndaýshy faktor bolyp tabylady. Bul básekege qabiletti ultty damytý úshin qajetti shart», - dedi ol tilshimizge bergen suhbatynda.
Onyń sózi boıynsha, búginde Joǵarǵy Sotta júktelgen ekinshi ınstıtýtsıonaldy reformanyń barlyq 11 qadamy zańnamalyq turǵydan iske asyryldy dep aıtýǵa tolyq negiz bar.
«Atalǵan baǵyttaǵy jumys tıisti merzimde jáne laıyqty deńgeıde júrgizildi. Ult Josparynda sot júıesi boıynsha bekitilgen barlyq jańashyldyqtar 2016 jyldan bastap iske asýda. Bul jańashyldyqtardyń barlyǵy otandyq sot júıesin neǵurlym jańǵyrta tústi», - deıdi A. Rahmetýllın.
Alqa tóraǵasynyń eske salyp ótkenindeı, Qazaqstanda jańa Azamattyq protsessýaldyq kodeks pen «Joǵary sot keńesi týraly» jańa zań qabyldandy. «Sot júıesi jáne sýdıalardyń mártebesi týraly» konstıtýtsııalyq zańǵa, qylmystyq-protsessýaldyq kodeks pen ákimshilik quqyq buzýshylyq týraly kodeksqa tıisti ózgerister men tolyqtyrýlar engizildi.
«Bul zańdardyń áleýeti zor ekendigin atap ótken jón. Memleket Basshysynyń jańa redaktsııadaǵy «Azamattyq-protsessýaldyq kodekske» jarııaly túrde qol qoıýy - onyń el ómirindegi mańyzdylyǵyn aıqyn kórsetti. Prezıdent jańa kodeks respýblıkanyń quqyqtyq keńistigi túbegeıli jańasha ózgerister ákeletindigin aıyryqsha atap ótken bolatyn. Azamattyq-protsessýaldyq kodeks sot tóreligin tıimdiligin arttyrý jáne sot daýlary boıynsha bitimgershilik ınstıtýtyn qalyptastyrýǵa birqatar máselelerin sheshe alady. Jalpy alǵanda, jańartylǵan zańnama qoǵamnyń sot júıesine degen senimin arttyrýǵa yqpal etetin bolady», - dep túıdi sózin A. Rahmetýllın.