100 QADAM: Prokýrorlardyń azamattyq ister boıynsha sot protsesine qatysý mindeti alynyp tastaldy - B. Maqulbekov
«QR Prezıdenti jarııalaǵan «100 qadam» Ult josparynyń 26-qadamynda Sot resimderin ońaılatý jáne sot protsesterin jedeldetý úshin azamattyq-quqyqtyq daýlar jónindegi sottarǵa prokýrordyń qatysýyn qysqartý týraly aıtyldy. Jalpy azamattyq isterge prokýrorlardyń qatysýy Keńes zamanynan qalǵan úrdis bolatyn. Qazir elimizde ekonomıkanyń sharyqtap, damýyna baılanysty, naryqtyń qatynastardyń tereńdep enýine baılanysty, jańa qoǵamdyq qatynastar paıda boldy. Osy qoǵamdyq qatynastardy retteıtin jańa zańdar paıda boldy. Osy ózgeristerdiń negizinde prokýrorlardyń azamattyq ister boıynsha sot protsesine qatysý qajettiligi bolmaı otyr», - dep atap ótti sýdıa tilshimizge bergen jaýabynda.
Onyń keltirgen derekteri boıynsha, 2014 jyly respýblıka boıynsha barlyq qaralǵan isterdiń ishinde shamamen 73 myń ister boıynsha, prokýrorlar qatysqan. Bul barlyq qaralǵan isterdiń shamamen 11,3 paıyzyn quraıdy.
«Al apellıatsııalyq tártipterde prokýrorlar nebári 1030 narazylyq keltirgen, kassatsııalyq tártipte nebári 520 ǵana narazylyq keltirgen. Al baqylaý tártibinde nebári 94 narazylyq keltirgen. Osy keltirilgen derekter, prokýrorlardyń azamattyq ister boıynsha qatysýynyń qajettiligi shamaly ekendigin dáleldeıdi. Degenmen bıyl 1 qańtardan bastap qoldanysqa engizilgen jańartylǵan Azamattyq isterdi júrgizý talaptary boıynsha prokýrorlar eger sot protsesinde memlekettiń múddesine qarsy daýlar qoldanatyn bolsa, óziniń quqyqtary men bostandyqtaryn óz betterinshe qorǵaı almaıtyn halyqtyń múddelerin qorǵap jáne sot nemese prokýratýra sol protseske qatysý kerek dep tapqan jaǵdaıda qatysa alady», - dedi B. Maqulbekov.