«100 qadam»: Qazaqstanda joǵary synyp oqýshylary men stýdentter aǵylshyn tilinde oqıdy

ASTANA. QazAqparat - «Memleket basshysynyń bes ınstıtýtsıonaldyq reformasyn júzege asyrý jónindegi 100 qadam» Ult josparyna sáıkes Qazaqstanda joǵary synyptar men JOO-larda aǵylshyn tilinde oqytýǵa kezeń-kezeńmen kóshý josparlanǵan.

«Bilim berý júıesinde - joǵary synyptar men JOO-larda aǵylshyn tilinde oqytýǵa kezeń-kezeńmen kóshý josparlanǵan. Basty maqsaty -daıarlanatyn kadrlardyń básekelestik qabiletin arttyrý jáne bilim berý sektorynyń eksporttyq áleýetin kóterý», - delingen qujatta.

Bul jańashyldyq EYDU (Ekonomıkalyq yntymaqtastyq jáne damý uıymy) elderi standarttarynyń negizinde adam kapıtalynyń sapasyn kóterý maqsatynda josparlanǵan.

Sondaı-aq, osy baǵyt aıasynda 12 jyldyq bilim berýdi kezeń-kezeńimen engizý, fýnktsııalyq saýattylyqty damytý úshin mekteptegi oqytý standarttaryn jańartý, joǵary synyptarda janbasylyq qarjylandyrýdy engizý, tabysty mektepterdi yntalandyrý júıesin qurý josparlanýda.

Budan ózge, ekonomıkanyń alty negizgi salasy úshin on aldyńǵy qatarly kolledj ben on joǵary oqý ornynda bilikti kadrlardy ázirleý, keıinnen bul tájirıbeni elimizdiń basqa oqý oryndaryna taratý júrgiziledi.

Nazarbaev Ýnıversıteti tájirıbesin eskere otyryp, JOO-lardyń akademııalyq jáne basqarýshylyq derbestigin kezeń-kezeńimen keńeıtý, kommertsııalyq emes uıymdardaǵy jekemenshik JOO-laryn halyqaralyq tájirıbege sáıkes transformatsııalaý jalǵasady, dep jazady primeminister.kz.