100 QADAM: Bıyl respýblıkadaǵy barlyq sottar beınetirkeý júıesimen jabdyqtalatyn bolady
Onyń aıtýynsha, Ult josparynda kóterilgen máselelerdiń biri - ol QR sot júıesiniń ınnovatsııalyq jańa tehnologııalarmen qamtamasyz etý.
«Osy arada QR Joǵarǵy Sotymen kóptegen ıgi ister atqaryldy. Sot kabıneti baǵdarlamasy boıynsha, 2015 jyldyń 12 aıynda elektrondy túrde 382 myń 238 qujat túsken. Onyń ishinde 309 500 talap aryzdary bolsa, 883 - qadaǵalaý tártibimen berilgen aryzdar, 6977 - shaǵym, 1708 - apellıatsııalyq shaǵym, 5269 - kassatsııalyq shaǵym bolyp tabylady», - deıdi B. Maqulbekov.
Onyń sózi boıynsha, búginde jańa aýdıo-beınetirkeý (ABT) júıesimen sot otyrystarynyń respýblıka boıynsha 922 zaly jabdyqtalǵan.
«Tutastaı alǵanda, 2016 jyldyń jaı-kúı boıynsha, ABT júıesimen el boıynsha sot otyrystarynyń jabdyqtalýy 73,6 paıyzdy quraıdy. Al ústimizdegi jyldyń aıaǵyna deıin respýblıkadaǵy barlyq sottar osy júıemen jabdyqtalatyn bolady», - deıdi Joǵarǵy Sot sýdıasy.
«ABT júıesiniń negizgi basymdyǵy, sot protsesterin aýdıo-, beınetirkeý - barlyq qatynasýshylardy, sýdıany, memlekettik aıyptaýshyny, advokattardy, sondaı-aq barlyq taraptardy tártipke shaqyrady, protsess barysynda sheshilmegen jáne qanaǵattanbaýshylyqty týǵyzǵan daýly sátter bolǵan jaǵdaıda, taraptardyń ekeýi de durystyǵyna ne burystyǵyna kóz jetkizý úshin elektrondyq jazbaǵa júgine alady, ABT júıesi protseste óz qyzmettik ókilettilikterin júzege asyratyn sýdıalar men basqa da adamdar úshin qasaqana jala japqan nemese osyndaı jaǵdaılar bolyp jatsa, belgili bir kepil bere alady», - dedi B. Maqulbekov.
Sonymen qatar osy ınnovatsııalyq tehnologııalar týraly aıtqan kezde, sýdıa Joǵarǵy Sotta qoldanylyp jatqan taldaý baǵdarlamasyn da tilge tıek etti. Taldaý baǵdarlamasynyń negizinde respýblıkadaǵy sottardyń qaraǵan isteri boıynsha sot tájirıbesin jınaqtap, belgili bir júıege keltirýde úlken máseleler atqarylýda.
«Joǵarǵy Sottyń ınternet resýrsyna bir táýlikte shamamen 50 myńǵa jýyq adam kire alady. Al ótken jyly SMS habarlamasy arqyly sottardyń 3 mıllıon isteri boıynsha 7 mıllıon habarlama jiberildi. Mine, osyndaı ister Joǵarǵy Sotta atqarylyp jatyr», - dep túıdi sózin B. Maqulbekov.