100 dene shynyqtyrý-saýyqtyrý kesheniniń qurylysy bastalyp ketti – mınıstr
Bul týraly OKQ-da ótken baspasóz máslıhatynda Mádenıet jáne sport mınıstri Aqtoty Raıymqulova málim etti, dep habarlaıdy QazAqparat tilshisi.
«Ózderińiz biletindeı, halyqtyń sportpen jappaı shuǵyldanýy úshin sporttyq ınfraqurylymdy damytý qajet. Elimizde 38,6 myń sporttyq nysan bar. Onyń 27,5 myńy bilim nysandaryna tıesili, 11,1 myńy dene shynyqtyrý jáne sport nysandaryna jatady», - dedi Aqtoty Raıymqulova.
Mınıstrdiń aıtýyna qaraǵanda, bul nysandar elimiz úshin jetkiliksiz.
«Elbasy óziniń Joldaýynda el boıynsha 100 dene shynyqtyrý-saýyqtyrý keshenin salý kerek degen tapsyrma qoıǵan bolatyn. Osy oraıda, jergilikti ákimdiktermen birge, salynatyn jobalardyń bári maquldandy. Ol úshin tereń taldaý jasadyq. Sonyń nátıjesinde, óńirlerde sporttyq zaldarǵa degen qajettilik – 1 mln 457 myń sharshy metrdi quraıtynyn anyqtadyq. Jetispeýshilik – 51 paıyzdy, onyń ishinde aýyldyq jerde 80 paıyzdy qurap otyr», - dedi ol.
Mádenıet jáne sport mınıstrligi 2019 jyly salynatyn jobalar tizimin naqtylap qoıǵan. ıAǵnı, osy jyly 22 dene shynyqtyrý-saýyqtyrý kesheni boı kóterse, 2020 jyly - 34, 2021 jyly – 44 nysan salynbaq.