100-den astam aýrýhana tekserilmegen ólsheý quraldaryn paıdalanyp kelgen – Tehnıkalyq retteý komıteti

ASTANA. QazAqparat – Eldegi júzden astam aýrýhana tekserilmegen ólsheý quraldaryn paıdalanyp kelgen. Tehnıkalyq retteý jáne metrologııa komıtetiniń keńeıtilgen alqa májilisinde vedomstvo basshysy Qýanysh Elikbaev osyndaı derek aıtty, dep habarlaıdy QazAqparat tilshisi.

Komıtet tóraǵasynyń aıtýynsha, memlekettik metrologııa talaptarynyń saqtalýyn qamtamasyz etý baǵytynda «Qazaqstan temir joly» RMK-nyń fılıaldarynda, janar-jaǵarmaı stansalarynda, zaýyttar men zerthanalarda, medıtsınalyq jáne bilim berý kásiporyndarynda tekserýler júrgizilgen.

«Tekserilgen 374 kásiporynnyń 244-inde zań buzý faktisi anyqtaldy. Bul 65,2% degen sóz. Mysaly, júzden astam aýrýhanada tekserilmegen ólsheýish quraldar qoldanylyp kelgen. Onyń ishinde ómirge mańyzdy kórsetkishterdi ólsheýge arnalǵan quraldar da bar», - dedi komıtet tóraǵasy.

Onyń sózine qaraǵanda, jalpy jıyny 721 163 ólsheýish qural tekserilgen. Onyń ishinde 5696 qurylǵydan zańsyzdyq anyqtalǵan.