100-den astam adam kúngeıdegi Sary Aıǵyr shyńyn baǵyndyrdy

ASTANA QazAqparat -. «Kazakh Tourism UK» AQ Astananyń 20 jyldyǵyna oraı ótkizilip jatqan sharalar aıasynda Túrkistan oblysynda alpınıada uıymdastyrdy. Qatysýshylar aýyrlyǵy 1B kategorııasynda Soltústik jota boıymen Sary-Aıǵyrdyń shyńyna shyqty. Alpınıadaǵa 16 jastan joǵary 100-den asa adam qatysty, dep habarlaıdy QazAqparat «Kazakh Tourism UK» AQ baspasóz qyzmetine silteme jasap.

Eske sala keteıik, alpınıada «Qazaqstannyń 20 taý shyńyn baǵyndyrý» jobasy aıasynda uıymdastyryldy.

Alpınısterdiń alǵashqy shyqqan shyńy - Qazaqstan Respýblıkasy Prezıdenti Nursultan Nazarbaevtyń atyndaǵy shyń boldy.

«Kazakh Tourism UK» AQ basqarmasynyń basshysy Rashıd Kúzembaevtyń aıtýynsha, aýqymdy shara áli de jalǵasýda.

«Joba aıaqtalǵan boıda alpınısterimiz Túrkistan oblysyndaǵy Saıram-Ógem ulttyq parkinde sońǵy shyńdy baǵyndyryp, ony «Astananyń 20 jyldyǵynyń shyńy» dep ataımyz», - dedi R. Kúzembaev.

«Qazaqstannyń 20 taý shyńy» jobasynyń negizgi maqsaty - baǵyttar men soqpaqtardy naqty anyqtap, atalmysh baǵyttarǵa jaqyn ınfraqurylymdardy damytý boıynsha usynystar engizý.

Elordamyz Astananyń 20 jyldyǵyna oraı «El júregi - Astana» ataýymen arnaıy uıymdastyrylǵan is-sharalardy júzege asyrý aıasynda el astanasynda ǵana emes, sondaı-aq, qala syrtynda da ártúrli sharalar ótkizilýde.

Ekspedıtsııanyń aıaqtalýyna arnalǵan baspasóz máslıhaty Astana qalasynda 2018 jylǵy 22 qyrkúıekte saǵat 11:00-de ótedi.

Foto: sxodim.com