10 jylda bıýdjet esebinen 364 kıno túsirilgen

NUR-SULTAN. QazAqparat – Keıingi 10 jylda memlekettiń qoldaýymen 81 kórkem fılm, 10 serıal, 69 debıýt, 40 anımatsııalyq fılm, 164 derekti fılm túsirilgen, dep habarlaıdy QazAqparat tilshisi.

Bul týraly Mádenıet jáne sport mınıstriniń orynbasary Nurǵısa Dáýeshov málim etti.

«Memleket qarjylandyratyn fılmdi irikteýdiń ólshemderi onyń joǵary kórkemdik deńgeıi, halyqtyń rýhanı qajettilikterin qanaǵattandyrý qabileti, memlekettik múddelerge, sondaı-aq Qazaqstan Respýblıkasynyń tanylýyna qyzmet etedi.

Sońǵy 10 jyl ishinde barlyǵy 364 fılm túsirildi. Onyń ishinde: 91 kórkem fılm (onyń ishinde 10 serıal), 69 debıýttik fılm, 164 derekti fılm, 40 anımatsııalyq fılm bar», - dedi vıtse-mınıstr redaktsııa saýalyna joldaǵan jaýabynda.

Nurǵısa Diýeshovtiń aıtýynsha, zańnamaǵa ulttyq fılmderdiń prokatynan túsken qarajattyń 20 paıyzy memleketke qaıtarý talabyn engizilgen.

Vedomstvo ókili kınoǵa bólgen qarajatty ıgerýshiler qalaı irikteletinin de túsindirdi .