10 jylǵa sottalǵan Qýandyq Bıshimbaevty bosatyp jibergen prezıdenttik komıssııa qazir joq – Abzal Quspan
«Keıingi kezde raqymshylyq arqyly bosap shyqqan adamdar óreskel qylmystar jasap jatyr. Májilis depýtaty retinde raqymshylyq tetikterin jetildirý baǵytynda jumys istep jatyrsyzdar ma?» dep surady jýrnalıst.
Depýtattyń aıtýynsha, Bıshimbaevqa jasalǵan raqymshylyq — «eski Qazaqstannyń» atrıbýty.
«Bul máseleniń jalpy sıpatyna nazar aýdartqym keledi. Biz myna qylmystyq zańnamany jan-jaqtan julqylap, neshe túrli ózgerister men tolyqtyrýlar engizip, neshe túrli eksperıment jasap, oıynshyqqa aınaldyryp jiberdik. Sonaý orta ǵasyrlardan beri kele jatqan ustanym bar. Zańnyń isine saıasatkerler aralassa, zańnyń eshqandaı salmaǵy, máni men maǵynasy qalmaıdy. Q.Bıshimbaevqa qatysty siz aıtyp otyrǵan máseleniń raqymshylyqqa eshqandaı qatysy joq. Ol kezdegi eski Qazaqstanda prezıdenttiń janynda aqtaıtyn arnaıy komıssııa boldy. ıAǵnı, ol sottan da, basqadan da joǵary turatyn organ sııaqty edi. Sot óz úkimin shyǵaryp, 10 jylǵa bas bostandyǵynan aıyrǵan. Sol úkim kúshine enip, jazasyn ótep jatqan kezde meniń bilýimshe, prezıdent janyndaǵy komıssııanyń sheshimi boıynsha Prezıdent tarapynan raqymshylyq jarııalanyp, bosap shyqqan bolatyn. ıAǵnı, ol jerde eshqandaı sot bolmaıdy, prokýror qatyspaıdy, advokattar qatyspaıdy, sot jaryssózi bolmaıdy degen sııaqty. Bir ǵana adamnyń sheshimi. Onyń arty endi qandaı saldarǵa ákep soqqanyn ózderińiz kórip otyrsyzdar», — deıdi depýtat.
Zańger qazir prezıdent janynda ondaı komıssııa jumys istemeıtinin de atap ótti.
«Meniń bilýimshe, qazirgi tańda ondaı komıssııa joq. Prezıdent te, basqa da sottyń isine aralaspaıdy. Biraq endigi máselemiz — qylmystyq zańnamany bir izge salý. Ol týraly Prezıdent byltyrǵy Joldaýynda aıtty. Qazir Májiliste qoldanystaǵy Qylmystyq-protsessýaldyq kodeks pen Qylmystyq atqarý týraly kodeksti ońtaılandyrý jáne ony turaqtandyrý týraly zań qaralyp jatyr», — dedi Abzal Quspan.