10 jambyldyq «QHA jylynyń úzdik qaıyrymdy jandary» dep tanyldy

TARAZ. QazAqparat - Jambyl oblysynda «QHA - 20 izgi is» respýblıkalyq estafetasy barysynda rekordtyq somaǵa qaıyrymdylyq kómegi kórsetildi, dep atap ótti QHA Jambyl oblystyq hatshylyǵynyń meńgerýshisi Larısa Lysova, «Úlken el - úlken otbasy» jalpyulttyq jobasyn júzege asyrý qorytyndylary týraly aıta kelip.

«Úlken el - úlken otbasy» jobasy QHA qyzmetin qaıyrymdylyq ortalyǵy, barlyq qaıyrymdylyq aktsııalarynyń úılestirýshisi retinde jańartýdy da kózdeıdi. - dep túsindirdi L.Lysova. - Assambleıadaǵy bul jumys 2015 jyly bastaldy. «QHA-20 izgi is» estafetasy barysynda bizdiń oblysymyzdyń ózinde 2 859 adamǵa 1,34 mlrd. teńgege tarta somaǵa qaıyrymdylyq kómek kórsetildi. Bul respýblıkadaǵy úzdik kórsetkishterdiń biri».

Qaıyrymdy jandardyń І sezinde Jambyl oblysynda 10 qaıyrymdy adam laıyqty marapattarǵa ıe boldy. Jambyl óńirinde olar «QHA jylynyń úzdik qaıyrymdy jandary» bolyp tanyldy.

«Búginde qaıyrymdylyq qyzmeti «Meıirimdilik kerýeni» jáne muqtaj adamdarǵa qarjy jınaý jónindegi «Qorjyn» aktsııasy aýqymynda jalǵasýda, - dep áńgimesin sabaqtady L.Lysova. - Qazaqstan halqy Assambleıasynyń atynan júrek ámirimen bizdiń aktsııalarymyzǵa ún qosqandardyń barlyǵyna alǵys aıtqym keledi jáne bireýler bizdiń kómegimizge muqtaj ekenin umytpaýǵa shaqyrpamyn. «Úlken el - úlken otbasy» jobasyn júzege asyrý boıynsha barlyq jumystar Qazaqstan Respýblıkasy Táýelsizdiginiń 25 jyldyǵyna arnalady».